عالية إبراهيم تكتب.. صاحب السعادة

عارفين مين الشخص الجميل ده هو اللي بيكمل العيله ولازم كل يوم يتذكر اسمه في وسطناتفتكروا ليه.. عشان هو اللي ساعة الشده بننده عليه ونركن عليه ويشاركنا كل ازماتنا ويسهر معانا للصبح لحد ما أزمتنا تتحل هو اللي بيحس من نبرة صوتك انك زعلان او فرحان وفِي ثانيه يلبس ويجيلك يدور معاك علي حلول وبمعنى أصح الحل اللي برا الدايره وتايه عنك لما تقعد تفكر ايه اللي كان ممكن يحصل لو الصاحب ده مش في حياتك او فقدته.. تكتشف انك فقدت جزء مهم في العيله اللي هو المخلص والمنقذ واللي بيسعى دايما لإضافة السعاده للجميعهو فعلا كده الأخ الذي لم تلده امك. والحاجه الحلوه اللي ربنا بيهديها لينا عشان نلاقي اللي يكملنا ونكمل معاه لآخر الطريق بجد الصاحب الجميل ده بيكون نعمه كبيره وتلاقيه متخصص في كل المجالات دكتور ومهندس واستشاري ومطيباتى وجابر للخواطر حاجات كتير قووووووى... بس في النهايه هو اللي بيستحمل وبيحل اللي ولادنا بيعجزوا فيهمن النادر اننا نلاقي حد بيكملنا وياخد لون بيتنا وحياتنا بالشكل ده.. وخلينا نفكر بجد ازاي نكون اصحاب وجمب بعض كده عشان نحس ان حياتنا لها معنى وقيمه ونكمل حياة بعض لأننا مش هنعيش لوحدنا وكمان ولادنا مش هيكتسبوا خبرات في الحياه من الصحاب بالعكس احيانا احنا بنعجز في توصيل النصيحه لولادنا لكن ممكن يأخدها من صاحبه لانه اقرب له في حياته من الأهل بس اختار الصاحب اللي يشبه حياتك ويكملك ويسندك ويسعدك وابعد عن اللي يفرق لمتك ويورطك لان فعلا الصاحب اما نعمه من الله تحافظ عليها او نقمه في حياتك وهتتحاسب عليها كل التقدير والاحترام لنصفنا الاخر لانه رمانة الميزان في حياتنا ويزيد الترابط بيننا والصاحب الجدع كنز اوعي تفرط فيه قويه واستقوي بيه عشان تعرف ان معاك عزوه كبيره في ضهرك حفظ الله مصر