سماح أنور : أبي وأمي
تحكى الفنانة سماح أنور عن وفاة والدتها الفنانة سعاد حسين ووالدها الكاتب انور عبدالله واللي اتوفوا ورا بعض في نفس الاسبوع... بتقول انهم في اخر كام سنة من عمرهم كانوا مرضى هم الاتنين وتقريبا مبيخرجوش من البيت وانهم ارتبطوا نفسيا ببعض جدا خاصة وان والدتها عانت من ضعف بصر شد
مشاركة
تحكى الفنانة سماح أنور عن وفاة والدتها الفنانة سعاد حسين ووالدها الكاتب انور عبدالله واللي اتوفوا ورا بعض في نفس الاسبوع...
بتقول انهم في اخر كام سنة من عمرهم كانوا مرضى هم الاتنين وتقريبا مبيخرجوش من البيت وانهم ارتبطوا نفسيا ببعض جدا خاصة وان والدتها عانت من ضعف بصر شديد فكان والدها بيساعدها وكانوا ونس وعون لبعض وكل واحد بيساعد التاني ع اد ما بيقدر وانها كانت متفرغة لرعايتهم
اتوفت والدتها في البيت بعد ما تدهورت حالتها فخلصت هي الاجراءات كلها بهدوء بدون ما تخبر والدها حرصا على حالته الصحية وخوفا من انهياره ..وانه اكيد هيعرف من الحركة الغريبة في البيت وبعد ما استعدوا للجنازة والدها كان قاعد في الدور الارضي وهم نازلين بالجنازة من فوق
فبص عليهم وتأمل الجثمان وطبعا فهم ورجع راسه لورا وسند ع الكرسي وغمض عينه
ودخل يومها في غيبوبة ونقلوه للمستسفى لمدة أيام وتوفى بعد اقل من اسبوع من وفاة زوجته وكأنة رفض يشوف حاجة في الدنيا بعد زوجته
شاف جثمانها وغمض عينه ولم يفتحها حتى توفى .
