أنا موش غريبة
انا موش غريبة انا بين ايديكم دايما قريبة بس انتم بجد عمركم فى يوم ماتشبهوا حد ولا حتى كلامكم بيبقى جد دايما عنكم باقول من يوم ما عرفناكم واتغير حالنا طب ايه اللى جرالنا الهم مالوش اى مثيل جروح بتسيل دم من...
انا موش غريبة
انا بين ايديكم دايما قريبة
بس انتم بجد
عمركم فى يوم
ماتشبهوا حد
ولا حتى كلامكم بيبقى جد
دايما عنكم باقول
من يوم ما عرفناكم
واتغير حالنا
طب ايه اللى جرالنا
الهم مالوش اى مثيل
جروح بتسيل دم من الهم
طب كنتم فين
واحنا واقعين
والفكر سارح فينا
صبح وليل
وكل اللى حوالينا
بيبصوا علينا
اننا موش بنى ادمين
كنتم عاملين حبايبنا
وانتم فى الأصل مالكمشى مثيل
طب الف شمال والف يمين
اه من غدركم يا بنى أدمين
نفوسكم مريضة
نفسى امسك الحبل
اشد بعزم
ودوس عليكم بايديا
ارتاح منكم فى الدنيا ديا
ونادى على نفسى بصوتى
اقول لها
اوعى تموتى
ريحتك منهم
عيشى بقى وافرحى
خليكى زرعة تطرحى شجرة
فروعها فيها الحنان
الورد فيها اشكال والوان
والريحة تملا المكان
ياسلام عالفرحة الجاية
تنسينى اللى حصل لى زمان
بقلم هويدا درويش
