فلوريدا الأمريكية ..القبض على رجل وزوجته بتهمة القتل الخطأ لطفلهم البالغ من العمر 18 شهر .

كتبت :بسنت عبد الحميد من أسابيع قليلة في ولاية فلوريدا الأمريكية ، اتقبض على رجل وزوجته بتهمة القتل الخطأ لطفلهم البالغ من العمر 18 شهر .. يعني سنة ونصف الأب والأم من متبعي النظام الغذائي النباتي ، تقريبا مابياكلوش غير الخضار الني والفاكهة .. وكذلك كل ابناءهم .. طفلهم اتولد ف البيت وعمره م شاف دكتور .. حتى قبل وفاته جسمه كان بدأ ينتفخ ويشحب جدا بسبب سوء التغذية ، ولكن بردو اهله مأخدهوش لدكتور.. طبقا لكلام السلطات .. الطفل المتوفي البالغ من العمر 18 شهر ، كان وزنه ما يقرب من 7 كيلو جرام .. ف حين ان الوزن المناسب لسنه مفترض يكون ١٠ كيلو جرام .. بالاضافة ان الأم قالت ان الطفل خلال الأسبوع الأخير قبل وفاته ماكلش اي حاجة واعتمد بشكل كُلّي على لبن الأم. وهي افتكرت ان دا عشان هو بيسنن يبقى مفيش مشكلة.. من خلال فحص باقي الأطفال للاب والام .. لقوا ان الابن الاكبر وزنه اقل من الطبيعي بردو ، واسنانه مسوسة .. ولكن الابنة الكبرى كانت حالتها كويسة بالنسبة لهم ، واتضح ان دا بسبب انها من أب تاني ، بيعيش ف مكان تاني وكانت بتروحله زيارات كل أسبوع ، وبالتالي إلى حد ما كانت بتاكل كويس ع الاقل ف الايام اللي بتقضيها عند والدها .. هل كلامنا دا معناه ان النظام الغذائي النباتي سيء وقاتل خاصة للأطفال؟ الإجابة بسيطة .. اي نظام غذائي لو مش متكامل وبيدي للبالغ او الطفل السعرات الكافية والعناصر الغذائية المهمة يبقى خاطئ وهيعمل مشاكل طبعا .. ولذلك لو هتمشي طفلك على نظامك الغذائي اتأكد انه بياخد كامل سعراته وانك بتوفرله الفيتامينات والمعادن والعناصر اللي بيحتاجها بالنسبة المضمونة ، سواء بالأكل فقط او كمان بوجود المكملات ..