- فشل عضلة القلب الأعراض والأسباب
- د محمود الشناوي استشارى الأمراض الباطنية والجهاز الهضمي
بيحصل فشل عضلة القلب لما بتتوقف العضله عن ضخ الدم الى الجسم بالشكل المناسب لأسباب عديدة أشهرها أمراض الشرايين التاجية وارتفاع ضغط الدم اللي مع الوقت وفى غياب تناول العلاج المناسب أو عدم الإنتظام فيه بتؤدى الى ضعف فى عضله القلب للدرجه اللى تعجز معها عن ضخ الدم إلى جميع أنحاء الجسم.
ومن حسن الحظ أن أعراض فشل عضلة القلب بتتحسن مع العلاج وتغيير العادات الغذائيه والحفاظ على نسبة السكر فى الدم .
أعراض قصور أو تعب عضلة القلب
- نهجان عند بذل مجهود بسيط "الدخول الى الحمام مثلا " وأحيانا أثناء الراحه .
- ورم فى الساقين .
- سرعه فى ضربات القلب أو عدم إنتظام ضربات القلب أو الإتنين .
- كحة مستمرة و ضيق فى النفس .
- ضعف الشهية للأكل مع إحساس برغبه فى القئ .
- دوخة مستمرة .
- زيادة أو تذبذب فى ضغط الدم .
- آلام في الصدر والذراع الأيسر إذا كان سبب قصور عضله القلب هو مرض بالشريان التاجى .
طيب إمتي أروح للدكتور؟
لو كنت بتعانى من أي من الأعراض السابقه من اللازم أن تستشير طبيب القلب اللى هايفحصك ويطلب منك بعض الفحوصات الامنه تماما واللازمه للإطمئنان على عضلة القلب زى رسم القلب والإيكو "أشعة موجات فوق صوتية على القلب " لتحديد السبب الرئيسى لتعب عضلة القلب "إن وجد"
وهانتكلم سريعا عن أشهر 3 أسباب لفشل عضلة القلب
1- قصور الشريان التاجى :
مع مرور الوقت ونتيجة للترسبات الدهنية بسبب إرتفاع نسبه الكوليسترول بالدم بتتجمع الدهون دى وتسبب ضيق في شرايين القلب فتقلل وصول الدم للقلب مما يسبب فى النهاية ضعفا فى عضلة القلب .
2- ارتفاع ضغط الدم :
إهمال علاج ضغط الدم المرتفع بيؤدى لزيادة الحمل على عضلة القلب اللى بتعمل بقوة أكتر من العادية ومع الوقت بيحصل فيها تضخم بيخليها تضعف وتفشل فى ضخ الدم بالشكل المناسب للجسم .
3- مشاكل في صمامات القلب :
صمامات القلب هى المسؤوله عن تنظيم حركة الدم جود القلب وتلفها مع الوقت بيسبب خلل فى حركة الدم داخل القلب مما يؤدى فى النهاية الى ضعف فى عضلة القلب .
وزى ما احنا عارفين أن الوقاية خير من العلاج فدى بعض النصائح البسيطة للوقايه من فشل عضلة القلب
- بطل سجاير .
- حافظ على وزنك فى الحدود المسموحه وإبتعد عن الأكل الدهني .
- قلل كمية الملح فى أكلك والحوادق .
- مارس الرياضه حتى لو رياضة المشى وحتى لو نصف ساعه 3 مرات أسبوعيا .
- إبعد عن التوتر وإحرص على أن تحصل على كفايتك من النوم .
- لو أنت مريض سكر أو ضغط داوم على دوائك وتابع طبيبك بإستمرار للحفاظ على نسبة السكر فى الدم وضغط الدم فى الحدود الطبيعية .
