نهى اباظه تكتب ناقصه حته

حته حته ناقصه حته .....كل ما اخد فيها حته .تطلع برضه ناقصه حته .. ناقصه خطوه ف الطريق ...ناقصه خميره للدقيق...ناقص حبه ميا تطفي شويه من الل راح ف الحريق... ناقصه سطر ف الفاتوره ... حتى الميا ناقصها ماسوره ...شافوا الفلتر .نسيوا الصوره... وناقصه حته.. ناقصه حته مش شايفها... ناقصه حته زى ما اكون لسه عارفها .. حته حلوة ..حته وحشه ...او حتى ساعات بتبقي نغشه..بس ناقصه حته حنان ... او يمكن فلوس وناقصها حته امان . ناقصه حته راحه بال او حته اغمض فيها عينى واحلم حلم يكون تمام ... ناقصه حته ناقصه حته في الطعم... ناقصه حته في الحلاوة ... ناقصه حته كبيره خالص. ساوت المخلل بالبقلاوة... ناقصه حته مش عاديه ..والل معايا ني ف نى ...وال معاهم مستويه... وحته قافل فيها وش .. مهما الحق فيها ...لازم برضه شويه غش.. يبقي الخير ماليها ...ومكتوب ليا سندوتش وناقصه حته... ناقصه حته فيها حب ...ناقصه كلام حلو ف شوب ..ناقصه لما حد يشرب ..يبقي التانى لازم يصب ... ناقصه حته ف الضمير .ناقصه حته في الادب .. لما غابت الجاموسه ..جابوا غيرها اتحلب.. ناقص حته ف الميكروباص ..كل مايمشى يتقلب.. لو شافوها من زمان ...ما كنش اللى سايق فيها اتغلب.. ناقصه حته