نهى اباظه تكتب ومحدش فيها يمشينى

و محدش فيها يمشينى ..زى التانى ...انا بسمع فيها بعنيا وبشوف بودانى ... .الرجل ماشيه عل اصولها ...ومش سندانى ...والل بيشتم ... قال قطع لسانى .... حتى اللى اتقال ييجى ميت مره . ..اتبدل بعدها بثوانى ومحدش فيها يمشينى.... ومحدش فيها يمشينى عيب مايصحش....انا مخى جوه دماغى ولسه ماطأش....وبفكر برضه عادى .وبسمع وبشوف.. .والنحله معروفه ذنانه. ..وسم التعبان بقي معروف... ..وناموسه اخرها قرصة...والرفسه جت من فرسة... هو هو نفس الدور. ..ولسه راكن جنب السور.. بس العفريت لما بيطلع ...نشوف طلباته ويمشى يغور.... ومحدش فيها يمشينى..... ومحدش فيها يمشينى..طب شوف النية... وبطاقتى فيها عنوانى ....لا محضر ولاقضية .. ...انا اصلى معدى وماشي تانى ...والل بأسمى مش علشانى... .. على سطر وسايب سطر ..وعدى عليا ييجى ميت قطر... ايوه تملى يمطوح فيا..بس بروح نط عل منط.... .ماهو عقلى كبير... غير التانيين ... .ومادام شغال ..هما المجانين ... ومحدش فيها يمشينى.. ..... ومحدش فيها يمشينى انا ماشي براحتى ..ولاحد ف ضهرى يتمصلح.... ويقول مصلحتى.. دى العين سودا ..بس مليانه ..والبطن مفيش بس شبعانه...والضحكه بتيجى عل طبيعتها ...والدمعه بتيجى من حسرتها.. ومادام لسانى طويل فيها ...اتكلم ليه زى ما عايزين ..وسنان بتسنن وتعور...يبقي مفيش داعى للسكين... انا عندى دماغ موزونه بالكيلو ..والمخ لوحده شايلينو....والل اتكلم بكلام غيره ...محدش قال فيها فاهمينو... ده الكل اتعلم تلسين...طب فلتر ليه لزوم التمثيل... فيها ناس مولوده اكابر....وناس مولوده ولاد ستين ... ومادام الطبله في ايديا ...بدلة الرقص عرفت لمين ... ومحدش فيها يمشينى .