نهى اباظه تكتب مش معموله

مش معموله على اد ايديا ....مش معموله عل اد الايد ...كل ما بمسك فيها حاجه ليا... مش بتفك...لكن بتسيب... مره تعدى ..ومره تهدى ..شاطر جدا ...بس بخيب.. ومش معموله .. ومش معموله زى ما عايزها....اثبت فيها .ييجى الل هاززها.......يهز الهزه يبقي هارسها ....يفوت من جنبي ..دايسنى . دايسها ....تيجى على صدفه ..تيجى على سهوه ....ابره تشك ومين الل غارسها .. ومش معموله ومش معموله عل اد دماغى ..مش بتكلم بس بلاغى .....عقلى صغير ...ليه متحير.. بدفع فيها ...وبنسى الباقى ... والباقى مش لاقى ...والدنيا تلاقى. فيها الحلو ملوش ف الحلو . ..بييجى ساعات ... حتى الحادق . ييجى يمر عامل شيفتات .. و ليه انا بالذات ...ماشيها رامات ...اخلص من حاجه ..تطلعلى حاجات ومش معموله ومش معموله ولا حاجه عاديه .تشوفها احلوت ....برضك مش هي ...كل ما اصحصح بس واركز ..ياريتنى ماكنت طلعت غبية .. ومش معموله ومش معموله عكسي ولا عمولة..... .تبان كده جامده وناقصها صاموله .. كده كده مفيهوش... ..طب ايه المرشوش ....ولا شمتهوش ...حتى الل بحسه ده معرفهوش .....تتخانق فيها.ولا حد يحوش...واخرها قروش ..ومستنى العادى .ده ماتشوفهوش.. اطلع فيها عالى ... تنزل مفروش.. ومش معموله