قصيدة بنات الليل

ناس خربانة وناس هربانة وناس سكرانة وناس واكلاها ذباله مش لاقيه تناتيش طرابيش راميه كرامتها بتطرطش طراطيش ماتقولش مافيش غير للغليان تباشير بتوسع دايرتها في الاوهام في عيون سكران مهموم مكتوم مديون مرمي في بدروم . حيران يتكلم مع كام بنت ويرمي البقشيش كاس الخمر هناك داير بدون موضوع تاه العقل في الملموس فلوس ونفوس ونفوذ .وإن كان معكوسه حروفها في ضميرابليس مرغومه البنت علي الضحكة وسط سكاري مكتومة من قولة الاه مخطوفه من شوف الناس سمعني ياناي موال الليل وخلي الكاس تتهز تنزل مواويل الدمع السارح علي اب عليل الام السارحة بحزمة جرجير الشاب الرايح يحكي أساطيل وبيكدب ع الصحبة وجكته حرير وفلوس مرمية تحت الكوتشي النقطة ياباشا ارميها يابيه والنقطة اطفال بتدور وسط ذبالة علي كسرة عيش مش بأيدينا نلبس خيش ونخلي اولادنا ملاطيش فرافيش بتصب الكاس كرانيش الوسط بتتمايل تضوي بماس غمزات تترمي في همسات تقابلها لفة شنابات بهاريز فاكهة الوان والشقيان منتظر التوبة من ربه في كل اوان عجيبة الدنيا من غير مهر سايقه العهر بتترقص فوق اوتار العود سايبه القهر دود ياكل في كتاب معهود وعقود التقوي عناقيد فكة من الدين مناديل بتنشف لهوتهم ببلوتهم ولهفتهم لشهوتهم طالبة مزيد أطمن يابو قلب عنيد غفران الرب مالوش مواعيد تجاعيد الجسم المرعوشه سراديب ايام فيه يوم هايجيلك وهاتقولها سلام والذكري تحكي من بعدك ان كنت إمام بتدور علي مين يدي يسد الجوع دموع الطفل من جوعه بتشكشك قلب الشقيان وخشوع المظهر في الدنيا عارفه الرحمن تاخد وبتاكل وبتشرب كرشك مليان والشيك اهو جالك قوم حاسب لو عملك فيه الخير ضيعته مابقالك في الرحلة دي زاد ضيعته حبيبي علي سهرك ورجوعك فات