— —
⛅ جاري تحميل الطقس…
آخر الأخبار
جولة ميدانية لوزارة العدل بمحاكم بنها  لمتابعة الأداء الرقمي  رئيس قطاع الشؤون الصحية بالقاهرة يتابع انتظام العمل بمستشفى دار السلام العام ويبحث احتياجات التطوير لماذا أفرج ترامب عن وثائق مقتل كينيدي والجاسوسة الجميلة عيادة مدينة نصر للتأمين الصحي.. أبواب مفتوحة لخدمة المرضى وإنصاف واجب لمن يحملون المسؤولية! غرينبيس تحذّر: أكثر من 609 بقع نفطية تهدد النظم البحرية في الخليج ومضيق هرمز الحلقة السادسة: الصندوق الأسود - ماذا سرقوا من منزل مارلين؟* رسالة من الـ COP31 | اليوم التاسع ..  انطلاق التقييم العالمي الثاني لاتفاق باريس وسط خلافات حول تكلفة الطموح المناخي استعراض منظومة التحضير  والتقاضي الإلكتروني بالمحكمة القاهرة الاقتصادية الحلقة السادسة: الصندوق الأسود - ماذا سرقوا من منزل مارلين؟ "تعاون شبابي من أجل المناخ".. مذكرة تفاهم بين مجلس الشباب المصري وجمعية شباب مصر بالمنيا سوق القاهرة السينمائي يستضيف عرضًا من «كوداك» حول عودة العمل بخام الأفلام في مصر والشرق الأوسط اتحاد المنتجين الأرمن يستعرض فرص التصوير والإنتاج المشترك في مصر ويعلن جائزة «الوردة الذهبية» بسوق القاهرة السينمائي  شراكة استراتيجية تجمع القاهرة والبحر الأحمر السينمائيين.. جائزة جديدة وتبادل للأفلام وبرامج للعروض السينمائية المرممة بعد نجاحه مع النجم حمزة العيلي.. محمد زناتي يلتقي النجم محمد محمود ونخبة من الفنانين في «قطرة ندى» «ازرع شجرة» و«زراعة القاهرة» تدعمان التنوع البيولوجي ببستان «تيكوما» صوت الوطن تنشر الحلقة الخامسة من كتاب: مارلين.. لماذا قتلتها المخابرات الأمريكية؟ بمشاركة وزير التعليم ومجتمع الأعمال المصري والألماني ...."الألمانية العربية"تنظم ندوة "مستقبل التعليم الفني والتدريب في مصر "  عوده قطره ندي الفائز بجائزة أفضل عرض في مهرجان مصر الدولي لمسرح العرائس، ا2025  بيت الزكاة والصدقات يطلق أولى مراحل الجسر الإغاثي إلى غزة بـ300 شاحنة لمواجهة موجة البرد الدكتورة سحر نصر تشارك في المنتدى البرلماني العالمي ضمن فعاليات مؤتمر المناخ (COP31) بأنطاليا : وتطرح  حلول لسد الفجوة التمويلية لتعزيز الشراكة بين القطاعين العام والخاص
من القلب للقلب
بواسطة Amany • • 94 مشاهدة • 3 دقيقة قراءة

التربية النفسية… كيف تُربّى نفسك من جديد؟

سلسلة: رحلة الوعى مع النفس

التربية النفسية… كيف تُربّى نفسك من جديد؟
صورة توضيحية
مشاركة



✍🏻بقلم د أمانى موسى
مش كل الجروح بتبان…
فى جروح اتربت جوانا…
اتعلمنا نسكت علشان ما نزهقش،
نرضى علشان ما نخسرش،
نخاف علشان ما نتوجعش…
وفضلنا نكرر ده لحد ما بقى جزء من شخصيتنا.
بس الحقيقة؟
دى مش شخصيتك…
دى تربية نفسية اتبنت على ظروف… مش على اختيار.
التربية النفسية الحقيقية
بتبدأ لما تدرك إن فى “طفل جواك”
لسه مستنى حد يفهمه… مش يلومه.
الطفل ده
هو اللى بيخاف من الرفض،
وبيتوتر من أبسط تغيير،
وبيبالغ فى رد فعله…
مش لأنه ضعيف،
لكن لأنه اتعود إن الأمان مش دايم.
وهنا بقى بييجى دورك…
مش كناقد لنفسك…
لكن كمربّى.
تربيتك لنفسك مش معناها إنك تمنع الغلط،
لكن إنك تفهمه.
لما تغلط… ما تقولش:
“أنا فاشل”
قول:
“أنا لسه بتعلم”
لما تحس بالضعف…
ما تهربش منه،
اقعد معاه واسأله:
“إنت جاى تقولى إيه؟”
التربية النفسية هى إنك تغيّر الحوار الداخلى جواك:
بدل القسوة… يبقى فيه احتواء،
بدل جلد الذات… يبقى فيه فهم،
بدل الخوف… يبقى فيه طمأنينة.
بس خلى بالك…
الرحلة دى مش رومانسية زى ما بتبان.
هتكتشف فى نفسك حاجات مش هتعجبك،
هتعترف بأخطاء كنت بتهرب منها،
وهتواجه فراغات حاولت تملاها بأى حاجة.
وهنا بيظهر الفرق:
بين حد عايز يهرب من نفسه…
وحد قرر يبنيها.
التربية النفسية كمان
هى إنك تحط حدود… حتى مع أقرب الناس،
لأن الشخص اللى ما اتعلمش يحافظ على نفسه…
هيفضل يستنزفها وهو فاكر إنه بيحب.
وهى إنك تتقبل إن مش كل الناس هتفهمك بعد ما تتغير،
وإن نضجك ممكن يخلّيك تبعد… مش تقرّب.
وهى إنك تعيد تعريف حاجات كتير:
الحب… مش تضحية مؤذية،
القوة… مش كتمان،
والطيبة… مش ضعف.
"مش كل تغيير محتاج دمار… أحيانًا محتاج وعي."
الوعى الحقيقى
إنك تبقى مسئول عن نفسك…
مش ضحية لماضيك.
وإنك تدّى لنفسك فرصة تعيش بطريقة أهدى،
مش لأن الحياة بقت سهلة…
لكن لأنك بقيت أوعى.
وفى الآخر…
مش أهم حاجة إنك توصل لنسخة “مثالية” من نفسك،
لكن إنك تبقى صادق فى رحلتك معاها.
إنك كل يوم تقرب خطوة…
حتى لو صغيرة، حتى لو ببطء.
التربية النفسية مش هدف بتوصله…
دى أسلوب حياة.
بتختار فيه تكون واعى… بدل ما تكون مُساق،
رحيم… بدل ما تكون قاسى،
حاضر… بدل ما تفضل عايش فى اللى فات.
ومع الوقت…
هتلاحظ إنك بقيت أهدى،
أوضح،
وأقرب لنفسك من أى وقت فات.
مش لأن الدنيا اتغيرت…
لكن لأنك إنت اللى اتغيرت.
وساعتها… هتفهم إن أعظم حاجة ممكن تبنيها فى حياتك
مش نجاح ولا علاقات…
لكن نفس متصالحة… وآمنة جواك.