يعني إيه عندك حساسية جيوب أنفية؟

-يعني مبنحطش بيرفيوم، و مبنصاحبش ناس بيحطوا بيرفيوم، و مبنصاحبش ناس مصاحبين ناس بيحطوا بيرفيوم. -يعني تغير الفصول الاربعة بالنسبالنا دا جحيم السنة كلها، بنحتضر فيه، بنحتضر بجد. -يعني لما يقولك "روحي في مناخيري" دي مش تشبيه ولا مبالغة، هي فعلًا في مناخيره. -يعني عادي يقولك وشي بيوجعني -من أعراض الحساسية ألم الخدين/الجبهة/الأنف/أسفل الرأس- -يعني تلاتربع اليوم عندنا صداع نصفي، و الربع الباقي بيبقى صداع عادي كنوع من أنواع التغيير يعني. -يعني لما بتقلب ممكن تقلب في أي وقت، و ساعتها مش بيكفيها علبة مناديل ٧٥٠. -يعني في عز الحر ممنوع نفتح المروحة. -سجاير و شيشة ممنوع، لا تشربهم ولا تشم ريحة دخانهم ولا حتى تسمع سيرتهم ولا نروح كافيهات مقفولة بالنسبالنا جحيم -ممكن تطلب فجأة و تلاقي نفسك بتعطس بمعدل ٧٦ عطسة في الثانية لدرجة إن الناس بيخافوا و يبعدوا عنك. -بتشوف أخبار الطقس كل يوم الصبح عشان الجو لو فيه تراب يبقى نقعد في البيت بكرامتنا، حتى لو يوم فرحي مش هنزل لأ. -يعني البخاخة/الدوا الي بينيم أهم من أبوك و أمك. -يعني ممكن تلاقي فجأة مناخيرك فتحت حنفية دم، براحتها عادي. -يعني مبنشمش كويس ولا بندوق كويس، الحواس كلها عطلانة بخار الا كل وريحته بتموتنا ..وملناش نقف فالمطبخ اساسا اه وربنا زي ما بقولك -دايالصداع في وجع كدا في ودانك، و في الخلفية شغال موسيقى *ززززززززززننن* -سنانك بتوجعك، من غير سبب هو من ضمن الباكدچ وجع سنان عادي. -في فترات معينة بيبقى إنك تتنفس من مناخيرك عملية في غاية الصعوبة و بتبقى عامل شبه حلة الضغط. -خمول/نرفزة/خمول/نرفزة/خمول/نرفزة. -زي ما التنين بيطلع نار من بوءه أحنا بنطلع نار بس من مناخيرنا. -حرقان العين و الدموع الغير مبررة، ماهي مجتش على عينك يعني. -أحيانًا من التعب مبنبقاش قادرين نحدد هو الوجع جاي منين بظبط، بس هو في وجع يعني. ألتمسوا لمريض الجيوب الأنفية ألف عذر، بنتعذب والله! التمسوا عصبيتهم ونرفزتهم حرفيا الموضوع صعب جدا وملهاش علاج هاتفضل معانتها طول عمرها معانا ✋✋ منشن لصاحبك اللي بيعاني من المعاناه😭 لو انت اللي بتعاني من الجيوب الانفية عرف الناس معاناتك😭