متعاده وملهاش عاده 

نهي اباظه متعاده ييجى ميت مره ....متعاده كل يوم.....متعاده جوه وبره ......متعاده ولا ليها لوم متعاده كاش أو فكه ...متعاده بدبوس ومعاه شكه...والتكة بتيجى وراها تكه وملهاش مالكة متعاده ...وملهاش عادة متعاده بتاريخ هجرى وميلادى...ومناسبه والتانيه عادى ..وللذكرى كام صوره ومنظر ...ناس تتدارى وناس تتمنظر واللى يفلتر فيها كسبان متعاده وملهاش عاده متعاده بنفس التفاصيل ..متعاده من غير موازين... .بشبع أو جوع . .متعاده بنفس الموضوع ... حوارات متعاده .... حركات كياده .. ..والقهوه الل فاكرها مظبوط.......مظبوطه بطعم الساده متعاده وملهاش عاده متعاده بيومها الل يعدى ومشاكلها الل بقول مش أدى .. ناس ومشاكل ..عماله تتشاكل. .. والل غاب...هو اللى عاب ... ...السكر ملح ....وياريت كان داب متعاده وملهاش عاده متعاده ساعات ودقايق .... يوم ماشي فيها ..ويوم سايق.....الخايب كان فيها فايق ..والشاطر ملهوش امان .. متعاده بنفس المكان.. .شويه يمين وشويه شمال...ولافيش نار من غير دخان.. متعاده وملهاش عاده متعاده باللى يطبلى حسب السيرة ... ومتعاده باللى يسلمنى صيده كبيره متعاده بفرح وهم ...متعاده وناسها بتتلم ..لما يكون فيه تورته كبيره .. متعاده ....وملهاش عاده متعاده بماتش وحكام ....متعاده حتدفع كام ...وعلي كل لون ...بييجى الجون والوش ف الوش ...متعاده ومفيهاش معلش ....والل بناله قصر معلم .. بس نفسه يبات في العش متعاده وملهاش عاده متعاده وملهاش عاده ...مريض نفسي فتحله عياده ..العاقل فيها محبوس ..والمجنون خرج بشهاده متعاده وملهاش عاده