الحب فى الله

بقلم/عصام الهوارى  الحب فى الله ولله .................... نفسى اقابل الحب ده ... اللى فيه شيئ لله ........... ولا مصلحه . ولا غش وجاه ......... احبك آه ... وانت كمان .. حبنى ف الله ............ اوعى الحب ينسيك نفسك . اقصد حبك بس لنفسك ........ دا أنت يا شاطر راح تلقاه ........... يوم العرض . يسيبك اهلك . ومعاك عملك ... وحسابنا هناك فردا . فرد ........ وتلاقى نفسك . واقف وحدك . قدام ربك . رب الكون . والسما والارض ............. أنا بتكلم عنى وعنك ... وحتى اللى احسن منى ومنك ......... واللى مقضى حياته عباده ... أو عاشها بالطول والعرض ............ كل كلامى عن الانسان ... صنعه رب . قدير رحمن ... ونفسه اللى بتسكن جواه ... وتقضى معاه عمره كمان ................ وهنا ........... ممكن استسمحكم ....... واشكركم . لو ليا فتحتم .......... قلبكوا . مهما كلامى جرحكم ........... أو قل مزاجكوا وعكركم ....... أو بذنوب . ومعاصى فكركم .............. وانا برضوا كلامى فكرنى .. آه والله ......... أه والله واخلاص منى .... وخلانى ابكى على همى ... وشايف نفسى . إن انا عاصى ........... ولا قولتش إنى احسن منكم ... ولا بددعى فضل . واحسان ........... إيه القصه اللى أنا بحكيها .. ومن غير لت . وعجن . ارويها ............ وهقولكوا عن فهمى أنا ليها .. وزى ما هيا فى قلبى هقولها ... وما عنديش حاجه اخبيها .............. القصه كلها فى الحب .... أيوه حقيقى . من غير كدب .......... محدش قال . دا حرام الحب ........... ولا اجرام . ولا عيب . ولا ذنب .......... بس اخترلك نوع م الحب .......... ما هو انواع يا حبيبى الحب ........ يا اما تحب جمال الحب ....... ويسكن اخلاصك . فى القلب ... وتعرف إن . فى السما رب .... خلق الكون بالنور والحب ...... حبا في رسوله محمد ....... صلى الله عليه وسلم ......... ومن حبه الهمنا الحب ........... فلو حبينا ... وقلوبنا تشوف قبل عنينا ... ونساعد بعضنا بأيدينا ... والحق يكون بينا . وفينا ... كده هنوفى عهد نبينا ... صلى الله عليه وسلم ............. اللى امرنا وعلم فينا ... نحب الخير ونصون بعضينا ............ ونحمد ربنا ع اللى عطينا ... ده الحب . اللى أنا نفسى القاه .......... واللى القلب بيتمناه ...... حب عشان الله . وفى الله ............ تحلا حياتنا . ونعيش عمر . يا محلا حلاه .................... يا إما يا عينى يا حول الله .............. حبك يبقى كلام واغانى ......... وتعاهد . وتخون من تانى ........ وبتظلم وضميرك تاه ........ وعمال تهبش . وحرام ماشى . شمال مايضرش ............ وعايز ع الدنيا تكوش .......... واللى تقابله .. ترتب قبله . وتكون جاهز علشان تكبش ............. وتزود فى حرام وتحوش .......... وعيونك ع الناس . وحياتها ........ مين راح فين . او جه أو فاتها .......... وعبير . حكايتها مع حماتها ........ وازاى عايشين بعد وفاتها ......... وهتورث ولا خلاص فاتها .......... وخداك نفسك . وشاغل نفسك . وبتعمل كل اللى نفسك ......... وعمال تأذى فى خلق الله ............. الحق نفسك . لا تلاقى نفسك . خسران ترجع . وتلوم نفسك . وتهلك يومها . اعوذ بالله .............. طهر قلبك . صفى ضميرك . حب الخير ... واتمنى لغيرك ....... جاهد نفسك . وأغلب شررك . انشر خيرك . وارعى ضميرك ......... نفذ عهدك ... يهديك ربك ... وارجع تانى . وعود لله .......... وحب عشان الله . وفى الله .......... واطلب منه واترجاه ... وادعى يصيبك فضل هداه ....... واطلب عفوه . كمان ورضاه ... وخلى الحب لوجه الله .....