الإمبراطور ...بين نظرتين

كتب: حمدي على احمد زكي في عام 1987 صور فيلمين هما "البيه البواب" وده نزل فى نفس السنة وصور "زوجة رجل مهم" وده نزل فى بداية سنة 1988، يعني عبدالسميع وهشام ابوالوفا جسدهم ومثلهم فى نفس السنة شايفين الفرق ما بين النظرتين عبد السميع البواب : شخص جاهل مش عارف اي حاجة في الدنيا ونظرته كلها غباء ومشاهده وهو في الاسانسير وهو خايف منه لأنه أول مرة يشوف حاجة زي دي طبعا ومشاهده وهو بيرد علي التليفون ومسكة التليفون نفسها بتاعته غريبة . نيجي بقي لشخصية العقيد هشام أبو الوفا : الضابط صاحب النفوذ المريض بجنون العظمة ونظرات الشر اللي طالعة منه . احمد زكي كان ليه جمله كان بيقول انا بلبس الشخصية لجهازي العصبي وبقعد ادرس الشخصية كويس جدا وفي مشاهد ارتجال عملها زي مشهد تحقيقه مع الصحفي وانه مكانش المفروض يقلع الساعة لكن هو قلعها ارتجال منه مع انها مش موجودة في السيناريو ، احمد زكي عرف يفصل نفسه في سنة واحدة عن عملين بشخصيتين مختلفين تماما بين واحد باشا الكل بيعمله الف حساب لما كان في وظيفته واول لما بيطلع علي المعاش الناس مبقتش تعامله زي الاول وبين شخصية واحد الناس كانت بتشتمه وشايفاه مجرد بواب وبعد كدة بتتحول الشخصية من بواب لأنه يبقي البيه البواب.