#وفري مع.. شيرين مرسي {ثُمَّ لَتُسْأَلُنَّ يَوْمَئِذٍ عَنِ النَّعِيمِ} صدق الله العظيم بشوف ناس كتير للأسف بترمي بواقي الصابون فيها ايه لو نجمعها في علبة ونعيد تصنيعها تاني ونحولها لصابونه شكلها جميل وريحتها حلوه ،،،، - مهما كانت ظروفنا المادية كويسه لازم ربن
صورة توضيحية
مشاركة
#وفري مع.. شيرين مرسي
{ثُمَّ لَتُسْأَلُنَّ يَوْمَئِذٍ عَنِ النَّعِيمِ} صدق الله العظيم
بشوف ناس كتير للأسف بترمي بواقي الصابون
فيها ايه لو نجمعها في علبة ونعيد تصنيعها تاني ونحولها لصابونه شكلها جميل وريحتها حلوه ،،،،
- مهما كانت ظروفنا المادية كويسه لازم ربنا حيسألنا عن كل كبيرة وصغيرة وحيحاسبنا عن اهدار النعم.
- حتى لو مش فارقه معاكي البروه الصغيره دي من الصابونه ، فيه غيرك محتاجها ، حوليها لصابونه شكلها جميل واديها هديه لحد محتاجها
الطريقة بسيطة جدا :-
- نجمع بروه الصابون الصغيرة.
- نحطهم في شوية ماء دافئ صغيرين لمدة يوم
- نرفعهم على نار هاديه في حله تيفال (ومتخافيش الحله مش حيحصل لها حاجه ابدا)
- نقلب باستمرار لما الصابون يسيح خالص
- نضيف ملعقة زيت زيتون عشان جمال بشرتنا ونعومتها 😆
- طبعا الصابون كان الوان مختلفه فبيطلع لونه ملخبط ، انا ضفت له نقطة من لون غذائي.
- نصبه في قوالب سيليكون ، ولازم سيليكون مينفعش حاجه تانيه ، لو مفيش عندك حطيه في صينيه تيفال او صينيه عاديه بس افرشي فيها ورق زبده الاول.
- نحط قوالب السيليكون في الفريزر ربع ساعه
- نخرجهم من القوالب ، حتطلع احلى صابونه وريحتها جميله وشكلها تحفه.
- لو حطيتيه في صينية تيفال قطعيه بسكين بلاستيك.
شيرين مرسي
