اتيكيت التعامل مع الحزن

بقلم :شيماء هنيدى قبل ما نبدأ نتكلم ضروري نكون عرفين معنى كلمة حزن. الحزن هو الألم النفسي الشديد، ممكن يكون على شكل افتقاد انسان، أو ممكن يكون شئ مادي، ممكن يكون وظيفه، ممكن يكون فقد الثقه ، ..... صور كتير للحزن. المهم انك تفهم وتوصل ايه الشئ اللي سبب الحزن الشديد. هنا نفصل ما بين علاقه احتياجك بالشئ دا اللي كنت بتستمده منه، أو فقدك للشخص نفسه. تعلقك بالاحتياج للشخص وكمان الأشياء اللي كان بيقدمها لك. اهم شيء انك تفهم ان الحزن هياخد وقته وانه مش مجرد كلمه او فعل تقدر تتخلص منه ببساطه . عشان تتخطى الحزن ف انت محتاج أعلى درجات التقبل والاحتواء. اتيكيت التعامل مع الشخص الحزين * اتكلم مع الشخص الحزين وتجنب سؤاله المباشر عن ما السبب في حزنه. * اهتم انك تسمعه كويس واترك له مساحه للبوح عن ما تسبب في حزنه. * عند تقديم المساعده تذكر أن كل شخص مختلف في مشاعره، فاحرص في طريقه تقديم النصائح. * ديما تواجد معاه، لكن اترك له المساحة انه يبقى لوحده بس في نفس الوقت خليك قريب عشان لما يدور عليك يلاقيك جنبه. * اسأله ازاي تقدر تساعده، اعرف منه هو محتاج منك اي. * تجنب ان تفرد عليه طريقتك واسلوبك وفكرك في التعامل مع الحزن، إنما اديله فرصه يعيش الحزن بطريقته. * اهم حاجه انك تفهم ان اخرجة من الحزن مش مسؤليتك لأنك ممكن بالشكل ده تخنق عليه وهتفضل تعرض عليه مساعدات وهو مش متقبل الشكل ده. # هو بس المسؤول عن الخروج من الحزن ده، هو القادر على خروجة من البلونه اللي موجود داخلها . * تذكيره بمميزاته الشخصية و قدرته الكبيرة على تجاوز الصعاب فهذا الأمر يجعله يحب الحياة أكثر و ينظر لها بشكل مختلف. * يجب إبعاده عن كل ما يذكره بحزنه وعدم السماح له بالتواجد في أى مكان يذكره بما مر به حتى يتخطى هذه المرحلة من حياته. * اهم حاجة انك تقدمها له انك تفكره ان الله هو السند و المنجي له من كل ما مر به. اعطيه الفرصه انه يستعين بالله وان شاء الله يعدي حزنه ب شخصية جديده وهو عنده درس مر بيه إنما قدر يرجع يقف تاني من جديد. اسأل الله ان يهون علينا الحزن وان يقلل من احزانا ويرحم نفوسنا مما تعلقنا به.