فوبيا لقا
انا مكمل حياتى عادى ما بين مشغول و بين فاضى لا بطلت السجاير خوف على الصحه و لا بزهق من الكحه إذا جابو سيرتى ناس تانيين لا واقفه حياتى فى بعادهم و لا بسأل فى يوم عنهم و لا فاكر إيه إللى شدنى ليهم و لا مهموم و بأتحسر و عارف إن أنا مقصر لكن دايما بحاول أكون
مشاركة
انا مكمل حياتى عادى
ما بين مشغول و بين فاضى
لا بطلت السجاير خوف على الصحه
و لا بزهق من الكحه
إذا جابو سيرتى ناس تانيين
لا واقفه حياتى فى بعادهم
و لا بسأل فى يوم عنهم
و لا فاكر إيه إللى شدنى ليهم
و لا مهموم و بأتحسر
و عارف إن أنا مقصر
لكن دايما بحاول أكون
مجاز بيحركه المعنى فى سبيل الحب
و الغفران
عارف إن أنا مقصر
أنا إنسان
ساعات يغلط ساعات بيتوب
ساعات بيزعل المحبوب
ساعات بيذل نفسه و يرفع الواطى
و بيطاطى عشان لقمه
و بيعدى ب ٢٠٠ أزمه
و تفضل رأسه مرفوعه عشان الرب ما خلقنيش
كيان فاضى
بتيجى عليا كل الدنيا و تعادى
و لسه مكمل المشوار
لا بطلت الخناق علشان كلام فاضى
و لا الشعر إللى بيكسر جينات روحى
فى سطر حزين
منين
جايب يا قلبى كل جبروتك
و صبرك ع الوجع و الويل
سبيل شرب الغريب منه و قال شكرا
و لما حبيبى داق طعمه
مشى و هاجر
و لسه مكمل المشوار
ما بين ناهى و بين آمر
و بين مأمور بحفظ العهد و التواشيح
خلاص روحى إللى تعبت
من آيات البعد
و التسابيح
سابت فى القلب فوبيا لقا
و فوبيا فراق
و نص جريح
#هانى_آدم
