هوا مين يعنى الدولار ....

بقلم/ عصام الهوارى  هوا مين يعنى الدولار .............. اللى منو كل مخلوق استجار .............. واللى بيعاملنا شغل عافيه . وضرب نار ............ ولما فاض الكيل وفار ............ وخرابه سابق 100عمار .............. يبقى لازم وقفه جامده بلا استهتار ............... ومش هقول كلام مزوق . ولا حتى لمحه هزار ................. وكمان هدوس ع الاه وهوجع ... وهحارب أى انكسار ............. هوا مين يعنى الدولار ............. قال إيه والله يا حول الله ................ إن عوزته لا يمكن يوم تلقاه ................. متعزز ليه وقرفنا معاه .............. ولا يطلع غير بغلاه وكواه ............. والدنيا بحالها بتستناه ........... مربوطه ورابطه ايدها معاه .............. على إيه متعرفش ... زعيم ما تقولش ... أو بلطجى ومربى فى كرش ........... وواخد بشله فى نص الوش .......... ويلطش من غير معلش .............. وكبير وصغير بيكش ............. لما يكون فى الوش الوش ............... رغم انه فى يوم زمان كان يسوا قرش ................. لما كنا . ايام زمانا . امه واحده ................ عروبه حره . صامده وابيه ........... إرادتها ظاهره . وقادره وعفيه .............. وخير بلادنا غطى البريه ............... ما تيجوا يالا . يا عروبه والله . بين الشقايق . وفرحه هاله . أان الاوان . تتلموا يالا . وتقفوا وقفه . وتطلوا طله . ايد ويا إيد . ودم واحد فى الوريد . ياللى حروف اسمى فى اسمك .......... وف لسانى اللكنه منك ............ وبترتحلى و بطمنلك ............ وبلادنا موصوله وواحده ............. وعهد يجمعنا على الوحده ............. ولمه وهمه . وزينه وضجه .............. ومجلجله عروبتنا نسبها .......... نور فى خليجها العربى الابها ............ زين شرقها أهل خليجها .. لما نروح ع الفرح فى طنجه ............... كلنا واحد . ومصيرنا واحد . والرب واحد . وبأمره سيرو ................ واتوحدوا ع الدنيا وسيدو ................. وطنا واحد . ونعيش ف خيرو ............. والمولى يباركو ويزيدو ........... رب العباد وإحنا عبيدو ............... وأمرنا ويا امورنا ف ايدو .............. قاطعوا الدولار . وف ناره قيدو ............. لا بنك دولى ولا شئ يفيدو ............. ورجعوه . زى أصل ماكان يا هوو .......... كان زمان الخمسه منو يدوب جنيه .............. وفهموه . اننا بجمعنا وعزنا أسياد أبوه .................. وعرفوه . إن العروبه عايشه لسه ما انتهتش ......... وباقيه رغم الجور والهبش .............. وعدوينها بتنبش نبش ................. وبتكبش خيرها بالكبش ............. ومفيش براحه ولا معلش .............. والوصفه سهله .. ومش محتاجه تفكير ولا مهله ............ ومن غير مداوله .. وكلام مقاوله .. خلو شعوبنا كلها دوله ............. اعملوا عمله .. ومشوها عمله .. واحده وشامله .. وتبقى معامله .. بسيطه وكامله .. واجمعوا بيها شمل الامه ................ مهد الخير .. ووطنا الواحد ارض النعمه ................ أى والله ورب الكعبه وحضاره ومهاره وفطنه .............. وذكاء وثقافه بالفطره .............. وشعوب وافيه تصون العشره ............. وبتحلم لولادها ف بكره ....................... يبقى أوانها وأأن الفكره ............... حاربوه يالا ونعمل ثوره .............. يلزم حده ويرجع نكره ............. زى أساسه . ويصبح ذكرى ............. وبعد ما كان فارد دراعاته . ولا يضربش غير فى الوش ............. ومسيطر على الدنيا بحالها . بالفهلوه او حتى الغش .............. كل الدنيا هتعرف أنه . عامل زى الهيش والقش ............. او يمكن يتبل ويغرق . ويفرفر . او حتى يكش ............... هوا مين يعنى الدولار .............