نهي اباظه تكتب مدلعة .....ولا دوقنا دلعها

مدلعه علي اصل كبير ...ملهاش في الملزوق بأمير ..عايش فيها اسطى معلم ....بس معلم جوه الزير... .سندها العالى ..لمعها الغالى .. ..وهى ماتسواش حتى جنيه ...رقصت معاها علي الحبل باليه ...نزلت .طلعت ..جيت ومشيت ..اخرك فيها طبق ف بوفيه.. مدلعه ..ولا دوقنا دلعها مدلعه ولسه في اعدادى ... ....ونهستك فيها وندادى ...الل تسيبه من ناحيه قصادك ...بتشوفه في التانيه عادى ..وحادى بادى ده في وادى ....وده في وادى ...وشيطان المخ كياد ... يبقي محروق منك شطه ..يطلعلك مدهون بزبادى مدلعه ولا دوقنا دلعها مدلعه وهى الاساس ..ماشيه بشوز عالى ومداس ...واحنا شايليين ليها الشنطه ومش عارفين رقم المقاس.. اللى بشمعه.. فاكر ولعها ...واللى بناله حته فيها كأنه سرقها ... حتى العوم مانفعش معاها ولاغرقها ..ملهاش مالكه ..ولا كات سالكه .. الواعى سلم ورضاها ...والل ملوش في دلعها منعها مدلعه ولا دوقنا دلعها مدلعه ..وملهاش عزيز ...اللى أمن فيها ليوم ..داسه الاتوبيس .. العجوز كان اصله عريس ...والحاجه موديل في باريس ..والباشا كان لسه عيل ..في ابوه عمال بيغيظ ..... طب شوفت بياض الشعر .. كان اسود ليل ...والكلب ماكنش بديل ...والحلو حلو و عل الاد ..والحيل عمره ما كان اتهد مدلعه ..ولا دوقنا دلعها مدلعه وماشيه بالزقه...والكشرى معروف بالدقه ... وال سكينه مش من ال جزار ...والغبي قاعد وسطينا و ظلموا الحمار.... حتى المكوى مش مفرود ...والل عملها لاعنده دم ..وكله برود ...تزحف فيها علي وشك عادى ...عامل نخله واخرك عود ويوم ماترفع فيها قضيه ..الحكم بيجى علي الشهود مدلعه ولا دوقنا دلعها مدلعه ولا شوفنها دلعها ..لازم تفضل بتلمعها...هواتعود ..غيره بدعها ...مهما تأكل وتشبع فيها ...اللى اكلها غير اللى بلعها مدلعه ..ولا دوقنا دلعها