نهى اباظه تكتب  : خفيف ......ولا نص رغيف

خفيف متخفف بالمخافيف ....كلامه الجد كلام تخاريف. ..و.الخطوه ونص ملهاش تعريف ... أقساط مكتوبه عليك مصاريف ... محسوبلك وجبه بالمشاريب...توصلك سلطه ونص رغيف خفيف متخفف بالمخافيف.. خفيف المخ ...خفيف الدم ...بيضحك فيها من كتر الهم ...اللؤمه الحلوة ايوه نعمه..بس بعين واحده تتسم ....والريحه الجامده ايوه تنعنش .. بس اكيد لازم تتشم.. جمعنا طرحنا كسرنا الضمه....محدش فيها عايز يتلم خفيف متخفف بالمخافيف خفيف وماشي زى المتعكز......يتعب فيها الل يركز....مفيهاش حصري . والل بيسند ماكنش الاصلى ...والمسنود هو الموجود ....علم فيها اكله الحوت.... ..عاش القرد ف وسط اسود .. شالوا الاسم.. .وحطوا الكود خفيف متخفف بالمخافيف... خفيف والحق ماكنش عليه .. ضمانه المشى عل رجليه. ...والمعجب ده عشان الخطوه. والزحلقه ماتشلش الشنطه. تشوف الوقعه فيها بكابوس. ..والابره مش زى الدبوس. .. الحلو ف وقت مش وقته ....والل اخترته خلاص اخترته ... صيف شتاء فيها تقولش خريف خفيف متخفف بالمخافيف خفيف وعسلها مش بعد. حلاوه ...ووقوعها مش بعد شقاوه..تفاحها اكلته بدنجان..عشان مش شاطر ف النقاوة.. وباعولى الساعه بثانيه....وتيشيرت ناقصه تانيه...وكل ما احسبها حاجه ...تطلعلى حاجه تانيه خفيف متخفف بالمخافيف خفيف زى الريشة ...وقعت تبقي تقيل في العيشه. والقرشين دول مش تحويشة......كنت منور ييجى ١٠٠ فولت ...بس ياعينى شدوا الفيشه... خفيف متخفف بالمخافيف