5 خطوات للحفاظ على شعر صحي ولامع مع خبيرة التجميل وفاء سمير

تقدم خبيرة التجميل وفاء سمير خطوات للحفاظ على شعر صحي ولامع بعد فرده بالجيلاتين. طيب أنتى عملتى الجيلاتين أهو و بقى كله تمام إزاى بقى تحافظى عليه علشان يعيش معاكى ويفضل مفرود و متعالج و جميل.. أول حاجة متغسليهوش بشامبو الا كل اسبوع مرة واحدة و طبعا شامبو يكون مخصوص للعناية بالشعر بعد المعالجه لان الشامبو العادى هيكسر الجيلاتين و متغسليهوش اكتر من تلت مرات فى الاسبوع ،مرة واحدة بالشامبو وبعد كده تعمليله حمام كريم او تغسليه ببلسم المرتين التانيين.. تانى حاجة مينفعش تنامى بيه وهو مبلول او تلبسى حجاب عليه وهو مبلول لأن الشعر بيكون وهو مبلول فى أضعف حالاته وبيتشكل بسهولة على الوضعية اللى هيكون عليها ومينفعش تربطيه او تحطى توك فيه وهو مبلول فياريت تخلوا بالكم كويس من النقطة دى.. طيب المفروض لما تغسليه تعملى إيه؟؟💚💚💚💕💕💕 المفروض لما تطلعى من الحمام تستنى 5 دقايق كده قبل ما تسرحيه علشان مسمام الشعر بتكون مفتحة وغلط التسريح اول ما تخرجى علشان ميحصلش تساقط وبعد 5 دقايق تسرحيه وهيكون لسة مبلول برده اوعى تسيبيه ينشف وهو متنعكش لازم ينشف وهو متسرح ومفرود وسايب تالت حاجة بقى الترطيب الكويس ، يعنى إيه؟؟💞💞💞💗💗💗 يعنى لازم شعرك يكون رطب لان الجفاف بيخلى الشعرة تنشف وتتكسر والجفاف عموما غلط على الشعر سواء معمول جيلاتين ولا ﻷ و دايما اهتمى بنهايات شعرك لأنها بتكون اكتر جزء باين فيه التقصيف و ده لأنه مش بيوصلوا غذا من فروة الراس وبيكون شبه ميت وكل ما الجفاف بيزيد تقصيف الشعر بيزيد و التقصيف اللى بتكلم عنه اللى هو تشقيق الشعرة وتحسى ان الشعر حتى لو معمول جيلاتين بتلاقى اطرافه مفرودة بس ناشفة وبتشوك و دى علاجها الترطيب ومش كفاية تستخدمى السيرم وبس لازم تعملى جلسه كل اسبوع او كل اسبوعين لشعرك بهيرسيكرت ماسك كمان واهتمى بالاطراف جدا زى ما قولت وكل ما نوع السيرم وحمام الكريم والشامبو كويسين وانواعهم نضيفة كل ما الشعر حالته بتكون احسن رابع حاجة لو هتسافرى مصيف او بتدربى سباحة مينفعش تنزلى البحر او البيسين من غير البونيه لان الاملاح والكلور عدوة لجيلاتين ولشعر على العموم يعنى قبل ما تنزلى المية ادهنى شعرك سيرم او ادهنيه لايف ان او هيرسيكرت ماسك ولفيه كويس والبسى عليه البونيه المخصوص للسباحة اللى هو زى الجلد عارفينه طبعا و فايدة الدهانات دى بتحمى الشعر علشان لو لا قدر الله المية اتسربت من تحت البونيه يبقى الشعر متغلف وعليه طبقة تحميه💚💛💜💓💔 خامس حاجة من الافضل متربطيش الشعر بتوكة استك علشان متعلمش فيه ولو عاوزة تلميه يبقى حطى توكة مشبك اللى بتتفتح وتتقفل دى سادس حاجة اوعى شعرك يكون فيه قشر تقومى غسلاه بخل مثلا لانه ساعتها هتلاقى شعرك رجع زى الاول و اتكسر وبرده اى شامبو ضد القشرة هيكسر عندنا فى ترى شامبو مخصوص لعلاج القشرة لشعر المعالج وبلاش تستخدمى حاجة متعرفيش تأثيرها على شعرك هيكون ايه الا لما تسألى دودو سابع حاجة ومهمة جدا فى الجو الصعب الحر ده العرق و العرق يعنى املاح والاملاح غلط جدا على الجيلاتين فنحاول بقدر الامكان واحنا خارجين نلف اى حتة قماشة قطن على الرقبة علشان الشعر ميبقاش لازق فى الجلد والعرق يبله ويخليه يموج من عند الرقبة بسرعة وياريت متكتميش شعرك لفترات طويلة بالحجاب. ..