نهى اباظه تكتب مش نص كم
مش نص كم ....انا كم طويل ....انا كم جاهز مش تفصيل ..عملت فيها خيط وقماش ..بقيت مخده ف وش سرير... زرعت فجل طلع جرجير ...حتى البهايم لما نطحت ..شدت حيلها عل الحمير ... مش نص كم مش نص كم ...و .. محتاج فرصه ...متخيط غرزه ....لا ١٠٠ غرزة ... سهمى طالع عالى معدى ....سألت قالوا
مشاركة
مش نص كم ....انا كم طويل ....انا كم جاهز مش تفصيل ..عملت فيها خيط وقماش ..بقيت مخده ف وش سرير...
زرعت فجل طلع جرجير ...حتى البهايم لما نطحت ..شدت حيلها عل الحمير ...
مش نص كم
مش نص كم ...و ..
محتاج فرصه ...متخيط غرزه ....لا ١٠٠ غرزة ...
سهمى طالع عالى معدى ....سألت قالوا قفلوا البورصه .....
قفلوها وانا ليا حساب ...ورصيدى خلصان عل الباب ......
والنيه مكتوبه في فاتوره ... حلة سودا . بقعر هباب...
وهبابها غطي على الطين ..شدتها شد ومش بتلين....
الظهر فيها غير الوش ...
..شيفون ستانها اصله حرير
مش نص كم ....
ماشى فيها يادوب عل الطاير ..والعمر زرار محسوب بزراير.. ..
ملهاش تفسير ...لو فكيت طب مين حيشيل ..
جربت اخيط من غير ابره ...لقيت اخرها ملوش تقفيل ...
مش نص كم ....
مش نص كم ..وطلع الترخيص..
انا بدله شيك محسوبه قميص ...انا بنطلون من غير دبابيس ...انا سن ابره وممكن اشك ...
ولا فيها مقاس ولا حد يقيس
مش نص كم ....
مش نص كم وشايل شيل ....
.........مش جاى فيها اشوف الويل .... اعيشها بدله سودا بمزاجى .....ولا اعيشها تنية في اخر الديل
مش نص كم
..
