ما فهمتنيش . 

ما فهمتنيش . أيوه صحيح ما فهمتنيش ...... ياما زمان أنا قولتلك . وحكيت كتير وشرحتلك . وجريت عليك وروحتلك . وأمنت بيك وأمنتلك . وعهد الله حلفتلك . ما صدقتنيش ..... ما فهمتنيش .......... سلمت ليك قلبى هلك . توهته تاه بره الفلك . معرفش أى طريق سلك . من يومها غايب ما رجعليش ..... ما فهمتنيش ......... ضيعت منك حب عمر . بيجى مره . هيا مره يدوب ويمر . يا تلحقه وتأمن بيه . يا تقضى عمرك تبكى عليه . ودواك يبقى عذاب الصبر . وتسهر ليلك ما يعديش .... ما فهمتنيش .......... كان نفسى أكونلك . وأنت ليا . وغرامنا يملى الدنيا ديا . ومعاك أعيش ............ كأن أملى حبك . وفداك عنيا . وكفايه أحبك وكتير عليا . وبعدك مفيش ......... لكن يا خساره . ما فهمتنيش ......... والعمر راح فى هواك بقشيش ......... وسرقنى وعدى ما قاليش ........ ورضيت بوعدى قسى وما رضيش ........ وظلمنى وسابنى وما رحمنيش ... مافهمتنيش ........... لو كنت فهمت . إزاى أنا كنت . بحب وصونت . وعمرى ما خونت . وجيت على نفسى كتير وسامحت ... كان ممكن يوم الحب يعيش ........... لو كنت صارحت . وبحبك بوحت . أو منى سمعت . ورضيت وأمنت . وعشانى عافرت . كنت قدرت . تشترى قلبى وما تبعنيش .... ما فهمتنيش ......... زودت فى عندك قوى وشطحت . وأخترت بعادك عنى وروحت . ومشيت ورا ظلمك وسرحت . وقبل ما حتى تسمى عليا . قطعت فى روحى كتير ودبحت . وسيبت جراحك فيا تعيش ... ما فهمتنيش ..........