رانيا حسن تكتب: كلمةمن حرفين أولهاط واخرها ز ؟!

مرحلة ال ط...ز مرحلة جميلة جداااا ط...ز في كل حاجة بضايق الواحد ، ط...ز في اي حد مش مقدر قيمة الواحد ط...ز في اي حد بيحول حسناتك عيوب ، ط...ز والف ط...ز كمان في اللي شايفك وحش وديما بيسيئ الظن بيك اديله صورة اوحش من اللي رسمهالك واللي بيعاملك بطيبة وحنية شيلوه ديما فوق راسك غير كده مافيش غير معاملة بالمثل لا وكمان عليها ط...ز اوعي تغير طيبتك وطيبة قلبك اللي مضايقة ناس كتير علشان بتفضح قساوة قلوبهم اللي عاملة زي الحجر ، ناس فاكرة الكلمة الطيبة والحنية مسح جوخ لانها مش واخدة الا علي الزلط اللي بترمي بيه كل الناس وفاكرة ده صدق ووضوح بجد ط...ز في كل بني ادم بيجرح قلوب بكلام قاسي وفاكره شطارة ده نبينا محمد عليه افضل الصلاة والسلام قال لو كنت فظ غليظ القلب لنفضوا من حوالك بجد ط...ز والف ط...ز في كل اللي معين نفسه ملاك بجناحات وماشي يحاكم في الناس ويحكم علي قلوبهم وضمايرهم ويصنفهم ده طيب وده شرير علي حسب هواه ويفهم كل تصرف علي انه مكر وشر بجد الناس الظنانا بالناس السوء ط...ز في حكمهم علي قلوب غيرهم ط...ز في اي ظروف بتقتل ضحكة الواحد اللي طالعة من جواه ط...ز في حالة مادية بتشيل الواحد هم فوق همه وتكبره يجي خمسين عام بجد ط...ز دنيا كده هتتعاش وكده هتتعاش ط...ز في كل اللي باع وخان العشرة و بدل الطيبة والمعروف بالندالة والخسة ط...ز والف ط...ز ربك بيعوض بالناس تانية بتصون الود والعشرة ده ربك محترف طبطبة وعوضه بيفوق الخيال ط...ز في دنيا خدت منا اعز الناس وعلي فجأة وبدون سابق إنذار ط..ز في الوجع دنيا كده كده بتنعاش بس المهم ننجح في امتحان الصبر زي ماربنا قال جرب كده وعيش مرحلة ال ط...ز هتلاقي نفسك عايش تمام عيش حياتك اضحك والعب ابسط اعمل كل شئ يخليك مبسوط طالما صح ومابتجيش علي اي مخلوق راعي ربك و ضميرك ، غلطت اتاسف احنا مش ملايكة وحاول تعمل الصح علطول دنيا بجد ط...ز ديه فانية ساعة في ساعة ويخلص الموضوع المهم الناحية التانية نروحها بسلام وعلي قد مانقدر من غير ذنوب صدقني مرحلة ال ط...ز مرحلة جميلة جرب كده وهتدعيلي بلا قلة قيمة