حكاية سناء جميل عن أفلام يوسف شاهين" مبتتفهمش"
- أستاذة سناء علاقتك ايه بيوسف شاهين ؟ = علاقتي بيه مش كويسة - ليه !! = في مرة من المرات كان بيعمل فيلم اسمه (وداعاً بونابارت) و قال انه عايزني في دور ، قلت له ابعتلي السيناريو مردش عليا !! ، و بعدين اكتشفت ان الدور اللي كان عاوزني اعمله هو اني هفوت من الرصيف ده ل
مشاركة
- أستاذة سناء علاقتك ايه بيوسف شاهين ؟
= علاقتي بيه مش كويسة
- ليه !!
= في مرة من المرات كان بيعمل فيلم اسمه (وداعاً بونابارت) و قال انه عايزني في دور ، قلت له ابعتلي السيناريو مردش عليا !! ، و بعدين اكتشفت ان الدور اللي كان عاوزني اعمله هو اني هفوت من الرصيف ده للرصيف ده بس..
- مش معقول !!
= بس انا قابلته قلتله اما انك بجح بشكل ، كيف تجرؤ ؟ و الزمن اثبت ده يعني فيلمه ده كل خمس دقايق يا صفاء يعملوله اعلان و مع ذلك اتشال من السينما
- صحيح ليه افلام يوسف شاهين بنلاحظ انها بتتشال من السينمات اليومين دول ، يعني فيلم (المصير ) طلع مهرجان كان و خد جايزة هناك و مع ذلك لما نزل في السينما قصاد فيلم آخر اسمه ( اسماعيلية رايح جاي) اتشال فيلم (المصير) بعد اسبوع او اسبوعين
= الناس بتقول ان يوسف شاهين افلامه مبتتفهمش
- هل هي مبتتفهمش فعلا ؟
= معرفش
- طب حضرتك بتفهمي افلامه يا استاذة سناء ؟
= لأ..
- طيب بتحبي افلامه بصراحة ؟
= لأ .. لأنه بيعملك تشويش و غلوشة و فاكر ان دي عبقرية ..
القامه #سناء_جميل في حوار لها مع صفاء ابو السعود عن علاقتها بالعظيم #يوسف_شاهين
