حكاية الكلاب المفترسة في الصين

متابعة..نادين بدير في يوم من الايام سنة١٩٧٥ صحيت مدينة في الصين كاملة على وجود كلاب برية مفترسه في مدينتهم ، بتنبح بشكل هستيري مش طبيعي اطلاقاً .. وطبعاً كلاب بريةمفترسة و مرعبة و مزعجة كانت مشكلة كبيرة .. مكنش فيه قدامهم غير حل واحد انهم يخلوا المدينة من السكان و بعدين يشوفوا حل في الكلاب دي ٩٠ الف واحد مشيو من بيوتهم بسبب كلاب برية متخيلين احساس الناس دي و قد ايه كان نفسها الارض تتشق و تبلع الكلاب المقرفة دي اللي كركبت لهم حياتهم و ده فعلاً اللي حصل .. بعد ساعات من خروج السكان قام زلزال كبير جداً في المدينه جابها حقيقي على الارض .. و بعدها عرفوا ان الكلاب البرية دي كانت بتنبح بالشكل ده علشان تنبههم من الزلزال لان اول كائنات بتحس بالزلازل هي الحيوانات ... الكلاب دي ربنا حركها في توقيت معين علشان تنقذ ٩٠ الف واحد انهم يموتوا اتضرروا و كانو شايفين وجود الكلاب في مدينتهم كارثه .. بس في الحقيقةانها كارثة ظاهرها يبدو عذاب لكن باطنها فيه الرحمة .. في حياتنا كلنا عندنا كلاب طول الوقت بتنبح كلاب بس ممكن تكون في صورة جوازة ممشيتش وظيفه مقدرتش انجح فيها خسارة فلوس حادثة عربية مرض صديق خاين كلام بيتقال عليك بتنبهنا و بتمنع عننا شر و كلنا زي سكان المدينه مضايقين منها و شايفينها عوائق .. علشان كدة مفيش احسن من التسليم لإرادة ربنا لحياتك طول الوقت .. ادعي بالسعادة و الراحة .. مع مين او فين متدخلش برضه وسيبها لربنا هو هيوديك للسعاده الحقيقية بمعرفته هو قادر يسخر الكون كله علشان يسعدك و يريحك و يحميك من كل شر الكون كله جنود مجندة من صنع الله .