بشويش

بشويش مجرد وصف للحاله طرح هذيان ....... انا الصوفى إللى بيقرب لكل المحظورات بشويش و مؤمن عمره لحظه ما شك فى ثوابت طاوعنى الشعر كام مره و كتب بمزاج و هاج و كفر بتضاريس اللى سبقونى قلب من فعل للفاعل و بقى صاحب إراده و مقام أقوله يا شعر عايز أكتب يقولى نام و أكون تعبان و شايل حمل و بلاوى يقول غاوى نفذ المطلوب حبك حالا تقول حاجه معاك كام ثانيه و دقيقتين تثور الكلمه فى صفوف الليالى السود يجود السجن ع السجان بنور الشمس يدخل قلبه من فتحة زنازين شوقه لزياره يا جايين من شوارع كان ساكن فيها حبيبى و داس ترابها ساعات أنا الأوقات دى مش أوقاتى و لا عارف أنسجم فيها تلاقيها فى مره بتيجى راسمه الضحكه تنتوفه عطوفه و سايبه باب الحلم متوارب و قبل ما أقولها وحشتينى فى الغربه و قبل الخطوه ما تحركنى للقاها تكشر بنت دين روحى تشوف بوحى ذنوب و معاصى ملفوفه فى ورق تواليت كإن البت حالفه يمين تكفر سيئات أهلى و تلحم بكره بالماضى مكانش الشعر يوم قاضى و لا جلاد و لا مجلود عروض وزن المجاز برواز لوحه بتنطق بلا ألوان لقيت فيها إللى رفعه الحرف لمكان أحلى م الجنه و فيها السجن و السجان و فيها الجان خايف من بطش بنى آدمين يا فاكرين الحروف بتصلى للشاعر و فاكرين المجاز بيطاوع القافيه ميزان إبداعكوا بالعافيه بيطرح حاجه شكلها حلو بتكوى هدومها من بره و لابسه جديد لكن جواها بنوته تافهه خايفه تبص للقارئ لا عقلها عنده حجه و دعوتين للنور و لا فى القلب أغنيه تخلى المستمع ولهان مجرد وصف للحاله طرح هذيان #هانى_آدم