القزم المتريش اللي عاش في عهد خوفو وجدف رع

اعداد / الاثريه إسراء السيد بص يا صديقي الاقزام في مصر القديمه كانت ايديهم تتلف في حرير فكانو امهر الصاغه اللي بيشتغلو في الدهب بسبب ايديهم الصغيره والمصوغات الذهبيه اللي انا وانت مبهورين بيها زي قناع توت عنخ امون مثلا كانت معموله بأيديهم وفي ظل التقدم والعلم اللي وصلتله مصر القديمه كان فيه دوله قايمه على العدل والمساواه والمساواه دي مش بين الناس الاصحاء بس لا كمان بين الشعب كله سواء كنت طبيعي او عندك مشاكل وعيوب جسمانيه وليه لا لما تعرف ان الملك توت عنخ امون مثلا كان معاق في رجله في ظل ان فيه حضارات وبلاد تانيه كانت بتتخلص من الانسان المريض لمجرد تفكيرهم انه هيعدي المجتمع ومالوش حق في الحياه ومن الفئات اللي كانت واخده حقوقها زيها زي اي مواطن عادي هي فئة الاقزام و ده تمثال القزم سنب مع اسرته وهي زوجته واولاده اللي كانو ولد وبنت زي ما انتو شايفين كده وبنعرف من مقبرة القزم سنب انه كان زي ما تقول كده متريش😁 فكان عنده الاف من رؤوس الماشيه والدواب ومش بس كده ده كان مرفه كمان وليه منظر وهو محمولا في مركبه ومسافر للدلتا وحواليه ولاده زيه زي اي مصري عادي وعندنا كمان قزم اسمه بر ني عنخ لما لقينا مقبرته كان فيها تمثال باين اوي فيه العيوب الجسمانيه في منطقة الكتف والرجلين ولما طلعنا رفاته اكتشفنا انه بالفعل كان قزم وعنده مشاكل جسمانيه وبر ني عنخ كان ماسك منصب في القصر الملكي ولقبه هو قزم القصر الكبير