الشاعر علاء رزق يكتب قصيدة :صرخة الم
صرخة الم ياحيطان مدينتي شاهدةعلي اللي كانوا جنب منك طفل يحبي شيخ بيتسند في ضلك مين غواهم ،؟ وطمعه في يوم يضلك كان معاهم يوم ما رحتي وجاي يدلك !!!! ياحيطان شاهده علي دمع الفراق . راس بتسند كف ايد وايد بتتمد لضياع . في بطن حُبه ساب جنين قبل ماينوي الوداع ياحيطان شاهده علي بكر البنا
مشاركة
صرخة الم
ياحيطان مدينتي شاهدةعلي
اللي كانوا جنب منك
طفل يحبي شيخ بيتسند في ضلك
مين غواهم ،؟
وطمعه في يوم يضلك
كان معاهم يوم ما رحتي
وجاي يدلك !!!!
ياحيطان
شاهده علي دمع الفراق .
راس بتسند كف ايد
وايد بتتمد لضياع .
في بطن حُبه ساب جنين
قبل ماينوي الوداع
ياحيطان شاهده
علي بكر البنات
امهات تصرخ علي فلذة كبدها
وصحبه كانت في انتظار
لجل مايقيموا الحداد
ياحيطان
تحت منك كرسي فاضي
ام البطل قامت وقعدت
علي الاراضي
مين خلي جلاد ولادي؟؟.
النهارده يبقي قاضي!
علاء رزق
