شفرة الحرب ...علاقة غامضة بين كتاب تحالف الحلفاء وترامب

كتاب غريب بيثير الجدل وبيظهر دايما على مكتب رئيس وزراء إسرائيل بنيامين نتنياهو وهو بيكلم الرئيس الأميركي دونالد ترامب عن العدوان على إيران، ودا اللي خلى الكل يبدأ يسأل ياترى إيه حكاية الكتاب دا؟

الكتاب اسمه "الحلفاء في المواجهة" تأليف تيم بوفري وصدر في نوفمبر 2025، وبيتكلم عن العلاقات السياسية المعقدة بين دول الحلفاء في الحرب العالمية التانية، وبيركز على المفاوضات الدبلوماسية والتسويات بين قادة القوى الغربية والاتحاد السوفيتي.

الكتاب كمان بيستعرض دور اتفاقيات المواجهة اللي أسست التحالف ضد ألمانيا النازية وحلفائها، وبيوضح إزاي حافظوا على تماسك التحالف رغم كل الاختلافات الأيديولوجية بين الأطراف.

واللي خلا ظهور الكتاب على الطاولة مهم دلوقتي ودا لأن نتنياهو بيلمح طول الوقت عن تحالف أمريكا ودعمها لـ الكيان الإسرئيلي وإنه شايف إن التنسيق بين الحلفاء مش أقل أهمية من العمل العسكري نفسه وإنه طبعا ميقدرش يخوض المواجهات اللي فتحها دي كلها بنفسه ولوحدة.

وطبعا كلنا شوفنا إسرائيل وأميركا إزاي شنو عدوان عسكري على إيران، اللي حرفيا اتسببوا في وفات العشرات وعلى رأسهم المرشد علي خامنئي ومسؤولين أمنيين.

 وردت طهران بإطلاق رشقات مقذوفات وطائرات مسيرة على إسرائيل و27 قاعدة أميركية في دول عربية وطبعا اللي حصل دا اتسبب في ضحايا وأضرار في مبان سكنية وموانئ وأعيان مدنية.