معبد سرابيوم تاريخ تحت الأرض

الاعجاز فى عند المصريين القدماء مش بس بناء هرم كبير مش بس بناء معابد لا دا فى حجات تانية مهمة اوى فى عصر التكنولوجى الى احنا فية بنشوف ازاى قدرة الانسان على استخدام الالة فى حفر الانفاق ويشق بيها الجبال والبحار ولكن العجيب فى مكان زى الى فى الصورة دا بيتكلم عن ازاى قدرة الانسان فى استخدام التكنولوجيا اليدوية بدون تدخل من الكهرباء او البترول لحفر بردو المكان دا طيب اية المكان الى ادامنا دا ؟ واية تاريخة واية الحكاية والرواية ؟ تعالو نعرف مع بعض المكان الى ادامنا دا هو اسمة السرابيوم ودا معبد بس مش اى معبد دا معبد محفووووووور بباطن الارض بطول انفاق 400 متر طيب كلمة سرابيوم دى اصلا جت منين دى دى كلمة لاتينية ودى جاية من اصل عبادة المصريين الالة سرابيس وهيا كلمة من اصل بطلمى لصورة الالة حب مندمج مع اوزير المهم علشان مدخلكوش فى تفاصيل كبيرة المكان دا اول مرة اتعمل على يد واحد من اهم ملوك مصر والعالم كلة ويعتبر بيل جيتس عصرة اغنى اغنياء العالم وهو الملك ( امنحتب التالت ) ابو اخناتون والمكان دا معمول لعبادة الالة ابيس او العجل ابيس اللى بناة امنحتب التالت وكملة من بعدة ابن رمسيس التانى ( خموس ) واستكمل بناء الانفاق فى عصر المتاخر فى عهد الملك ابسماتيك المهم واستخدمة بعد كدا كان للمكان دا دور دينى مهم اوى فى العصر الرومانى انو بيتخفى فى الاقباط ويتعبد فية خوفا وهربا من بطش الاحتلال الرومانى بس الاهم فى المكان دا لازم نسال كام سؤال كدا السرابيوم موجود بداخلة حوالى 26 تااااابوت من الجرانيت وزنها حوالى 70 طن وطولها 3 متر ومجوفة من الداخل وارتفاعها 4 متر والاغرب هيكون سؤال مهم ازاى التوابيت دى دخلت بالحجم دا وازاى دخلت من الباب الى ادامكم دا اصلا يعنى من الاخر لما تروحو المكان دا هتسالو نفسكم كام سؤال كدا 1- ازاى الانفاق دى اتحفرت بالشكل دا 2- ازاى التوابيت دى اتعملت اصلا واتحفرت ازاى بالشكل دا واكيد احنا فى زمن مكنش فية ماكينات ولا ليز للتقطيع 3- ازاى التوابيت دى اصلا دخلت من الباب ونزلت فى الحفر والسراديب الى ادامكم دى 4-لية التوابيت دى موجودة برغم انو لما تم اكتشافها كانت فاضية اصلا كلها وهيا مقفولة مع العلم وزن غطاء التابوت مش اقل من 10 طن ..... المكان موجود بمنطقة سقارة بجانب الهرم المدرج مفتوح كل يوم من 9 ل4 سعر التيكت 20 جنية #اعرف_اثار_بلدك