محمود العربي ...ملياردير في حب الخير

الحاج محمود العربي الملياردير المصري وصاحب شركات توشيبا العربي ، اللي بدأ حياته ب 30 قرش يمكن كتير من الناس متعرفش شكله غير الغلابه والمساكين !! لانه سند وضهر ليهم ف كل وقت ودايما فاتح بيته ليهم ف اي وقت ومش بيحب يظهر ف الاعلام ولا بيحب الزيطه والزفه الكدابه ، ولا بيحب السياسه لما بشوف هو بيعمل ايه بتذكر حديث النبي .. نعم المال الصالح للعبد الصالح .. الحاج محمود العربي مشغل اكتر من 35 ألف موظف من أهل محافظته وغيرها علي مستوي مصر وفاتح بيوتهم بفضل الله الحاج محمود العربي عامل مدرسه وكتاب مجاني ومستشفي عالمي اتكلف الملايين لاهل قريته ولكل حد حب يزورها الحاج محمود عامل مؤسسه خيريه بتنفق الملايين شهريا علي الأرامل والمحتاجين والفقراء ده غير أنه بني اكتر من مسجد علي مستوي مصر واشهرهم واكبرهم مسجد الرحمن الرحيم بصلاح سالم دي الأعمال الظاهره للناس واللي خفي اكتر واكتر ، مره ركبت تاكس مع راجل كبير وحكالي أنه كان معدي من قدام مسجد الرحمن وقال أما ادخل اشوف اللي الناس بتقول عليه خير ده ، قالي دخلت لقيت الحاج محمود العربي قاعد فقلتله انا كبرت وعاوز انا ومراتي نحج قبل ما نموت بيقولي لقيته نادي علي سكرتيره يا فلان ، خلصلهم الحج السنادي انا بتكلم عنه لاني اتعاملت معاه شخصيا ومع أولاده اللي كلهم ميفرقوش عنه في الادب والتواضع والدين وحب الخير ، وبالرغم من انشغالهم ومتع الدنيا إلا انهم كلهم يحفظون القران ومجازون فيه .. وبكتب ده دلوقتي علشان كلنا ندعيله لانه في ذمة الله ربنا يرحمه  ، الناس دي لازم تظهر ولازم تاخد حقها في الدنيا وهي بينا...