قولت لقلبى ...
شعر/عصام الهوارى ما كفايه يا قلبى . تميل وتدوب ........... وتاخدنى معاك واخرها نضيع ............. وترجع تانى تقول مكتوب ............. وتقفل على كل المواضيع ............. يا تحب بجد . وتختار حد . يصون الود . شارى وما يبيع .............
مشاركة
شعر/عصام الهوارى
ما كفايه يا قلبى . تميل وتدوب ...........
وتاخدنى معاك واخرها نضيع .............
وترجع تانى تقول مكتوب .............
وتقفل على كل المواضيع .............
يا تحب بجد . وتختار حد . يصون الود . شارى وما يبيع ..............
يا تنسى الحب . وناخد عهد . انا وانت نسد . طريق السهد . دا السهد فظيع .............
رد القلب وقال ........
الحب نعمه وخوف على غيره .........
الحب لحظه وعمر وسيره ..........
الحب يزرع جواك بذره ..
تسقيها تصبح شجره كبيره ..............
تراعيها تديلك خيرها ..
تهملها تدبل وتموت حيره .............
قولت يا قلبى بلاش اوهام ...........
ياما سمعنا وقولنا كلام ..........
لا شفع فينا حنين وغرام ..........
ولا مراسيل ولا حتى سلام ...........
يالا يا قلبى اتغطى ونام ............
وكفايه تعيش فى الأحلام ..........
واقفل بابك على دى السيره .............
