قصة سقوط اريك ريكسين في الملعب

توقف عضله القلب اللي حصل من شويه للاعب المنتخب الدنمارك إريك اريكسين وطريقه التعامل في الموقف ككل درس في الطب والإنسانية معا ولفت انتباهي اكتر من نقطه ممكن تبان بسيطه لكنها أنقذت اللاعب حرفيا بعد اراده ربنا اولا زميل اللاعب اللي بعد ثانيتين بالظبط اما اريكسين وقع راح له َ واولا اتأكد أن الاعب مبلعش لسانه وفتح مجري الهوا وحطه في الrecovry postiton وبدأ ليه الإنعاش القلبي الرؤى في لحظات وقبل نزول الجهاز الطبي حتى وده دليل ان الاعب عارف أساسيات الbasic life suppory ثانيا وجود جهاز الصدمات الكهربائيAED في شنطة الاسعافات الخاصه بطبيب الفريق وبدا يدي الاعب صدمات من غير ما يستنى عربيه الإسعاف ثالثا إكمال الإنعاش القلبي الرئوي بالكامل داخل الملعب اللي استمر لمده ٢٠ دقيقه كامله من غير ما يستعجلَوا لنقله بالاسعاف او النقاله للمستشفى اللي مكنش هيبقي ليه لزمه لو متمش الإنعاش القلبي الرئوي بشكل صحيح دون إهدار لأي ثانيه او استعجال للنقل للمستشفى او استكمال اللعب زي ما بنشوف للاسف في ملاعبنا في مصر رابعا قمه الإنسانيه اللي شفناها من زميله والتفَوا دايره حََواليه عشان يحجبوه عن الكاميرا مراعاه لمشاعر عيلته انهم يشوفوه في الحاله دي وبعد كده نزل المسعفين َوعملَوا حواليه برفان بالحَواجز القماش اثناء نقله من الملعب خامسا السماح لزوجته النزول لارض الملعب للاطمئنان على زوجها وموقف زميله ومنظمين المباره وهما بيطمنوها عليه ََوواقفبن جنبها والاسعافات مازلت شغاله لزوجها سادسا تجنب مخرج اللقاء اعاده لقطه السقوط مراعاه مشاعر عيله اللاعب والمشاهدين سابعا اعلان الاتحاد الاورَبي لكره القدم تعليق المباره واحتماليه إلغائها لحد اما يروح اريكسين المستشفى ويطمنوا عليه والجمهور للفرقتين يفضل منتظر في الملعب اكتر من ساعه مستنين يطمنوا على حياه اللاعب َواعلان ان الحمد الله ان الاعب بخير وعلى قيد الحياه في الاذاعه الداخليه للملعب ومن ثم استكمال المباراه بعد توقفها اكتر من ساعتين مش ينقلوا الاعب والماتش يكمل عادي زي ما بنشوف عندنا مشهد نص ساعه لخص كل معاني تسخير العلم في إنقاذ حياه انسان وإظهار الإنسانيه ومراعاة أدق التفاصيل في ظروف زي دي