عالية أبراهيم تكتب : دعوة للحب

لما بنفكر في مستقبل ولادنا وحياتهم بنرسم لهم طريق ونديهم أفكار غريبه في الارتباط  ونعمل لهم البحر طحينه عشان يتشجعوا ويرتبطوا ويكملوا مسيرة الحياه زينا بالظبط حتى وان كانت في سلبيات في حياتنا وعايشين بالعافيه عشانهم بس بنغالط نفسنا ونقولهم متخافوش ودي سنة الحياه وفيها الحلو وفيها الوحش بس جربوا.. المهم اول ما نبتدي المشوار ويحصل الارتباط كل حاجه بتمر قدام عنينا بس لازم نعدي عشان المسيره تكمل ويدخلوا المغاره برجليهم ورحله طويله جدا ومرهقه وشاقه جدا عليهم واحنا عارفين بس زي ما قولت سنة الحياه وكل واحد اختار التانى من منطلق الإعجاب فقط لكن في بعض الملاحظات مش مشكله هتتغير مع الوقت وانتى قادره تخليه في طوعك ويبقي خاتم في صوباعك ولو عصبي متقلقيش هيهدي بعد الجواز ولو بيغير بعدين هتبقي في بيته ويبطل غيره ولو بخيل بكره ان شاء الله هيصرف في بيته ومش هيشوف غيرك.. كلام الأمهات بقابصراحه فتاوي كتير بس اوهام بنضحك بيها علي ولادنا حد فينا فكر يقول الحقيقه اللي ممكن تمنع كوارث كتير في الحياه الزوجيه الخيانه والكذب والطلاق وتشرد الأبناء والجري في المحاكم وعقد نفسيه تطلع جيل مريض نفسيا يَصْب في المجتمع المحيط بينا... حد فينا فكر ان مفيش قبول بين الطرفين ومفيش حب طبعا وده الأساس اللي المفروض كل ام تنصح ولادها بالكلام دهلازم تحبوا نفسكم الاول وتحبوا حياتكم عشان تعرفوا تواجهوا ضغوط الحياه وتعدوا لبعض الهفوات اللي ممكن تخرب الدنيا من غير الحب والرضا مفيش حياه ولا متعه بيخلي الحياه حلوه وتمشي بسهوله وليتقبل كل منا الاخر بكل ما فيه من غير شروط او قيود لكل منهم عاش حياه مختلفه وتجارب مختلفه وافكار مختلفه وكلا له أسلوبه في الحياه يسلكه بمنظوره وليعبر كل منهم عن حبه للاخر.. فاحبك لا تعنى ان اقضي حياتى معك بدون مقابل حبكوأحبك لا تعنى ان أكون كما تريد ولا ان تغيرنى علي مزاجك وأحبك لا تعنى ان اقتل طموحي لأجلك وتمنع عنى حياتى وسط آمالي واحلامى وتحتكرنى لنفسك.. وكتيرررررر من معانى الحب ممكن نقولها وتكون أساس لولادنا في حياتهم عشان يوصلوا لبر الأمان ويفهموا الحياه صح الحب مفتاح الحياه وسر السعاده بين الطرفين وبين الناس كلها. الحب اكبر نعمه حافظوا عليها حفظ الله مصر