دكتور محمود الشناوي يكتب : أعرف عندك حساسية صدر أم لأ؟

د محمود الشناوي استشارى الأمراض الباطنية والجهاز الهضمي أزاى أعرف عندى حساسية صدر ولا لأ؟ أعراض حساسية الصدر متنوعة وبتختلف من شخص لآخر، بعض الأشخاص بيشتكوا من كحة بس والكحة دى بتزيد بالليل،وفى بعض الأشخاص الأعراض بتبقى فى صورة ضيق فى النفس وتزييق فى الصدر وكحة قد تكون مصحوبة ببلغم أو لأ. لكن هل كل واحد عنده الأعراض دى هيبقى عنده حساسية؟! طبعا لأ احنا بنعتمد على حاجات كتير فى تشخيص الحساسية زى التاريخ المرضى للمريض والتاريخ المرضى العائلى والفحص السريري للمريض..ده غير فحوصات وظائف التنفس وأشعة الصدر وبعض التحاليل الأخرى.. طيب الأعراض دى بتظهر امتى؟؟ ظهور الأعراض دى بيختلف من شخص لآخر حسب حساسية الشخص ده لمؤثر معين مثلاً: ممكن واحد يبقى عنده حساسية من التراب والدخان وواحد عنده حساسية من تيارات الهواء البارد وآخر عنده حساسية من طعام معين زى الشيكولاتة والفراولة والموز واللبن والبيض والسمك وغيرها كتير من المؤثرات الأخرى زى حبوب اللقاحو بعض الحشرات⁦🕷️⁩🐜 وفى اختبارات حساسية بتتعمل بيعرف بيها الشخص هو عنده حساسية من إيه. عند تعرض الشخص لمؤثر معين بتبدا تظهر عنده الأعراض اللى اتكلمنا عليها ولما بيبعد عنها بيبقى شخص طبيعى.... عشان كده من الضرورى معرفة كل شخص هو عنده حساسية من إيه عشان يحاول يبعد عنها ويتجنب الحاجة دى.