حكاية عيد الربيع
كلمات /رحاب رفعت قبل شروق الشمس أصحى هتلاقى الخير جى يسعى افتح باب قلبك تلاقى دعوه ام عاشقه التلاقى فى الربيع الزهر فتح والنسيم فى الفجر يطرح عطور ونور وقلب يفرح والجناين والغيطان بالخلق تفرح صحبه حبايب والجيران اهلى وهلك من زمان بيحسو بلحظه سعاده ممزوجه بالامان لما نطلع
مشاركة
كلمات /رحاب رفعت
قبل شروق الشمس أصحى
هتلاقى الخير جى يسعى
افتح باب قلبك تلاقى
دعوه ام عاشقه التلاقى
فى الربيع الزهر فتح
والنسيم فى الفجر يطرح
عطور ونور وقلب يفرح
والجناين والغيطان بالخلق تفرح
صحبه حبايب والجيران
اهلى وهلك من زمان
بيحسو بلحظه سعاده ممزوجه بالامان
لما نطلع فى البراح ونتنفس هوى
يداوى الجراح حتى لو دقايق
ننسى اللى جى وننسى اللى راح
ترتاح عيونا فى الخضار فى البراح
وامى شايله من الخير كتير
خضره وملانا والمملح ويا الفطير
والبركه حله فى الجمع الكبير
والصغير قاعد جنب الكبير
ياكل من ايده لقمه فطير
والشمس تضحك فى قلب الصغير
يقوم ويجرى كانه طير
والضحكه تعلى من عمى الكبير
لما جدى يحكى عن شقوته وهو صغير
وكأن عيد الربيع حكايه لحب وفرح
طارح فى خضار قلبى الصغير
