بتقسي ليه
خربشات قلم سمية غباشي انا ماملكش غير نفسي واحساسي لكن عندي كلااااام نفسي اقولهولك ومتأكد اكيد يعني انك فاهمة و مش قادرة في عيني تفتحي عيونك قسيتي كتير وبراحتك ولسه كمان؟ وسامحتك لكن لسه بتقسي وواثقة من اني مفيش حاجة في أيدي اعملها غير حبك رم
مشاركة
خربشات قلم
سمية غباشي
انا ماملكش غير
نفسي واحساسي
لكن عندي كلااااام
نفسي اقولهولك
ومتأكد اكيد يعني
انك فاهمة و مش
قادرة في عيني
تفتحي عيونك
قسيتي كتير وبراحتك
ولسه كمان؟ وسامحتك
لكن لسه بتقسي وواثقة
من اني مفيش حاجة
في أيدي اعملها غير حبك
رميت قلبي في احضانك
وكان عشمي الاقي الحب
و الاقي مكان على بابك
منين ماادق يفتحلي
لقيتك قافلة كل بيبان
العقل والإحساس ولا ف بالك
حاولت أكره حاولت أبعد
ولكني... ولا استحملت
بحبك وانت رامياني
وحبك أصله جوه القلب
فأرجوكي عشان خاطر
شعاع شمسك يدفيني
وقلبي المكسور الخاطر
وارجوكي عشان خاطر
نجوم الليل
وارجوكي بحق النيل
والمواويل
وكل مابينا ياحبيبتي
بحق الحب.. بصي لي
وحني شوية.... وحبيني
