تقرير : لماذا تحتفل طائفة في إيران باغتيال المرشد

🟥ليه في ناس في إيران بتحتفل ب$موت خامنئي

◽️الحكاية بدأت قبل الثورة الإسلامية عام 1979، لما كانت إيران تحت حكم محمد رضا بهلوي، وكانت الدولة علمانية نسبياً. ساعتها، وعلى عكس الوضع الحالي، ماكنش فيه فرض للحجاب، وكانت العلاقات طبيعية مع الغرب، وكان المجتمع منفتح ثقافياً واجتماعياً.

◽️الثورة الإسلامية بقيادة روح الله الخميني غيرت النموذج دا بالكامل، وأقامت نظام "ولاية الفقيه"، واللي بيمنح رجل الدين السلطة العليا. التحول دا في السياسة الإيرانية هو مربط الفرس.

◽️لحد دلوقتي، جزء من الإيرانيين شايف الثورة كانت تحرر من نظام الشاه، لكن جزء تاني شايفها لحظة فقدان لدولة حديثة كانت أقرب للعالم.

◽️نيجي بقى للعصر الحالي. خلال الاحتجاجات الإيرانية في 2019 و2022، ظهر شعار "رضا شاه، روحت شاد" (ارقد بسلام يا رضا شاه)، و"الموت للديكتاتور" في إشارة إلى علي خامنئي. ودا فتح الباب لعودة اسم الشاه كرمز سياسي، حتى لو مش بالضرورة كحاكم.

◽️الاحتجاجات دي ماكنش معناها إن الإيرانيين بينادوا بعودة الملكية، لكن اسم الشاه نفسه بقى رمز لرفض النظام الحالي.

◽️فاللي بيحصل دلوقتي من بعض الاحتفالات مش احتفالاً بموت خامنئي كشخص، لكن برمزية موته. لأن خامنئي بيمثل النظام نفسه. هو القائد الأعلى منذ 1989، وصاحب القرار النهائي في الجيش والسياسة الخارجية، وسلطته أعلى من الرئيس نفسه.وخلال حكمه، تم قمع احتجاجات واسعة، واتفرضت قيود اجتماعية صارمة، واتعرضت إيران لعقوبات اقتصادية أثرت على حياة ملايين الإيرانيين.

◽️دلوقتي، ابن الشاه، رضا بهلوي، عايش في الولايات المتحدة من ساعة الثورة. ومع كل موجة احتجاج، بيقدم نفسه كرمز للمعارضة العلمانية. هو مش بيطالب صراحة بعودة الملكية، لكنه عايز لاستفتاء شعبي يحدد شكل النظام، وعنده دعم نسبي بين جزء من الإيرانيين في الداخل والخارج.

موت خامنئي يعتبر نهاية مرحلة كاملة في تاريخ إيران. لأن خامنئي ماكنش مجرد قائد دا كان النظام نفسه، والصوت الأخير لجيل الثورة الإسلامية الي حكم إيران لمدة كبيرة. ومع غيابه، إيران دلوقتي قدام لحظة فارقة… لحظة السؤال فيها مش بس مين هيحكم إيران ولكن ايه نسخة إيران الي العالم هيشوفها بعد موت خامنئي.