عشان العيد
خربشات سمية غباشي ف عز الشغلة والزنقة عشان العيد ننضف بيتنا ونروق نجيب الزينة ونعلق وكل اللبس يبقى جديد .. ونقعد لمة ف العيلة نرص صوانى .. ونشكل ف كحك العيد .. وبسكوته وبتى فوره لذيذ ف الطعم وشكله.. شديد وييجوا صحابنا.. والاحباب.. يهنونا .. و..علينا يدقوا الباب
خربشات
سمية غباشي
ف عز الشغلة والزنقة
عشان العيد
ننضف بيتنا ونروق
نجيب الزينة ونعلق
وكل اللبس يبقى
جديد ..
ونقعد لمة ف العيلة
نرص صوانى ..
ونشكل ف كحك
العيد ..
وبسكوته وبتى فوره
لذيذ ف الطعم
وشكله.. شديد
وييجوا صحابنا..
والاحباب..
يهنونا .. و..علينا
يدقوا الباب ..
بقالنا كتير بنستني
يجيلنا العيد ..
يا عيد ياجاي
بالفرحة..
عروسة و لابسة
الطرحة ..
وورد وفل بمحبة
والكل بيدعيلها
وعريسها فرحان..
وسعيد ..
وكل الناس بتهني ..
عيون فرحانة بتغني
عشان العيد ...
خربشات قلمي
#سميه_غباشي
