عالية أبراهيم تكتب: صندوق الذكريات

دماغنا عباره عن ارشيف كبير من الذكريات مكتبه متنقله عبر السنين بنشيل جواها كل حاجه حلوه اوحشه وبيجي علينا وقت نسترجع فيه كل ورقه مش محتاج مجهود لكن هما شوية خيوط كل خيط فيها له عنوان 👌له إنسان له احداث خاصه بيك هو شخص بيرتبط بشيء واحد في ذاكرتك بموقف معين 👍🏼مش بالضروره يكون صديق او قريب او له مكانه في ذاكرتك لكنه حاضر باسمه في ذكري معينه في ذهنك🤙🏻 في ذكري بتكون مرتبطه بموقف ضحك تلاقي نفسك بتضحك وانت بتسترجعها لوحدك وفِي ذكري مرتبطه بخناقه في المدرسه او في الشغل او في النادي او في الشارع مفيش وجود لشخص معين الا في الوقت ده سمعت منه كلمه حلوه او وحشه فكل ما تشوف خناقه تفتكر الموقف والأشخاص وفِي ذكريات مرتبطه بالفلوس لما تجمع أصحابك وتخرج وتكتشف ان مش معاك فلوس كفايه بس البركه واللمه والضحكة بتكفي وتزيد كمان وبتفضل طول الوقت فاكر الخروجه الحلوه بس 🙏🏻 وفِي ذكريات الدراسه علي طول تفتكر مين اللي كان بيلم الدفعه وتسهر طول الليل عشان تذاكر وتنجح معاه الشخص ده بتفضل فاكره طول عمرك سواء كان حلو او وحش لانه بيعلم معاك طول حياتك مش بالضروره يكون شاطر بس اسمه دايما حاضر في ذهنك 👌 وفِي ذكريات اللمه علي الاكل في كل بيت مفيش حد فينا ملوش ذكريات مع شريكه في الاكل ✋🏻 اللي اول ما تتقابلوا يفتح نفسك وتسأله هنأكل ايه انهارده طب هنأكل فين مع بعض ولو قعدت مع نفسك هتلاقي ذكرياتك معاه لذيذه ولها طعم وريحه وسعاده عشان اللقمه بتكون حلوه مع اللي بنحبهم مهما كانت هي ايه غاليه او رخيصه المهم اللمه والصحبه الحلوه 🙏🏻 وفِي ذكريات الخير اللي دايما بتكون حاضره في اي عمل خير في حياتك هتلاقي نفسك بتفتكر مين يساعد مين من أصحابك وتجري تجمع كل الخيوط عشان تساعد اللي محتاج وتلم من هنا ومن هنا عشان تستر أسره وتجوز بنت وتساعد فقير 👍🏼حاجات حلوه كتير ممكن تعملها حتي لو مش مشارك فيها فالدال علي الخير كفاعله وفِي ذكريات الالم ووجع القلب تقعد تفتكر في شخص كل ذكرياتك معاه مليانه حزن ومشاحنات ووجع بتبقي عايز كل حاجه تنسيك الشخص ده ويمحيه من ذكرياتك ودايما تشعر بالندم الشديد علي كل ثانيه ضيعتها من عمرك معاه👌 وفِي ذكريات جميله مع الاغانى والموسيقي بتيجى في دماغنا مع القعده الحلوه والصحبه الجميله بتفضل تسمع الاغنيه وتتسلطن معاها وكأن الشخص ده موجود معاك 👌والخيط ده من الخيوط الجميله اللي بتحمل ذكريات حلوه وبتحمل صمتك وسرحانك لعالم اخر والجميل في كل الذكريات اللي قولناها اننا كل ما نفتكرها نضحك وما كان يبكينا بالامس لم يعد يبكينا لأننا تجاوزناه بفضل الله وبالرضا والصبر الجميل حفظ الله مصر