حبيب القلب واحد

حبيب القلب واحد ................. مالوش فى الكون مثيل .............. شاغلنى وقلبه جاحد ............... وسحرنى نهار وليل ................ وبحبه وربى شاهد ............... ونصيبى عذاب وويل ............... ودابحنى هواه وقاصد ............... وملاوع فى المقاصد .............. ويشوفنى شريد وساهد .............. مجروح عمال بجاهد ................ والجرح شديد ونافد ................. و دوايا رضاه ورافض ............... يداوى جريح عليل ................ هوا الطبيب وقاعد .............. يراقبنى وعقلى شارد .............. ويسبنى احتار واكابد ............. ويعيش دور البخيل . ويبعد الف ميل .................. خايف ليحن ليا . ويرق يدوب شويه ................ ويبان عليه دليل .................. شايفنى ومش شايفنى ............. وبطرف عنيه كاشفنى .............. واناديله يقوم كاسفنى .............. ويعمل مش عارفنى .............. وارجع عابر سبيل ................ واخايله يسوق دلاله ............. اصبر عشان وصاله .............. واحايله واقول وماله ............ واكتب شعر فى جماله ................ عشمان يروقلى حاله .............. ويكونلى مكان ف باله ................ أو يهدى ويوم ويميل ................ وتهون عليا نفسى . واكتم واشيل ف نفسى .............. واحن وانسى نفسى .............. هجره وجفاه ويأسى ............. وافديه وتروحله نفسى ............... وأسأل عليه بنفسى .............. ويرد بمراسيل .................. واما ازعل منه جامد ............ اقول هنساه واعاند ............... وهيفضل قلبى صامد ............. وابعد ألاقينى رادد ............... ولا اقدر ع الرحيل ................ والعشق فى دمى ساجد ............. معبود عاشق ف عابد .............. ومعاه رايح وعايد ................. وقلبى منى واخد ................. من نبض قلبه نابض ............. بيدق كلام قصايد ............. يوصف حلمى الجميل ..................... تايه والفكر طايش ................ ما بين ميت وعايش .............. وسط الحشايا حايش ............. غرام ما لوش مثيل ................ وفى الحوايا فارش ............... مالى الضلوع ونافش ............ من غير ما اقول واناقش ............. لو تنكش المناكش ................. ما اقدرش استغنى عنه . ولا غيره يكون بديل ................. والبعد عنه غلب . ومرار ونار وذنب ................. ما تكتبهوش يا رب ................ ولا اتحاسب عليه ............. دنا رايده وتوبت بيه ............. واخترته ودوبت فيه ............ وحياتى وعمرى ليه ................... وعاشقه ومشتريه ................ وبقيت منه وعليه ................. وأشيله ف نن عينى . وأغنى فيه مواويل ............... دا قدرنا كتاب وعهد .............. روحين دايبن فى بعض .............. هايمين وبينا وعد ................ متشوقين للسعد ................ ولا يبعد بينا بعد .................. ولا هجر ولوم وسهد ............. وإن مره كان لابد .................. لزمأ من كل بد ............ عتابنا ف كلمتين . حلوين وصد رد .................. وإن جانا يوم حزين . متغمس بالانين ................... نعديه بالحنين . وعتاب الطيبين ............... صافيين متعشمين . ولا يدخل بينا حد .................. أو نزعل مره جد .................. ونهد العش هد .................... ل يروح الشوق قتيل .................. ومهما عدو عد .................... أو علا بينا سد .................... فراقنا مستحيل ............... ده حبيب القلب واحد . ملهوش ف الكون مثيل .................. عصام الهواري