نهي صالح: مستحيل اقدم دور راقصة
قالت الفنانة "نهى صالح" فى لقائها الليلة على "راديو برونتو اف ام" فى برنامج "برونتو سكوب" مع كريم علاء، انها لا تختلف مع ادوار الرقص وأنه نوع من انواع الفن ولكنها ترفض القيام بدور راقصة ببدلة رقص صريحة وادوار الاغراء. وتابعت"نهى "كنت محظوظة جدا فى بداية مشوارى الفنى فبدايتى كانت
مشاركة
قالت الفنانة "نهى صالح" فى لقائها الليلة على "راديو برونتو اف ام" فى برنامج "برونتو سكوب" مع كريم علاء، انها لا تختلف مع ادوار الرقص وأنه نوع من انواع الفن ولكنها ترفض القيام بدور راقصة ببدلة رقص صريحة وادوار الاغراء.
وتابعت"نهى "كنت محظوظة جدا فى بداية مشوارى الفنى فبدايتى كانت مع الفنان "نور الشريف" فى مسلسل "الرحايا" والفنان "صلاح السعدنى" فى مسلسل "الباطنية" وتعلمت منهم الفن الحقيقى ,مكنش سهل انى اقف قدام فنان بحجم نور الشريف,فهو اول من دعمنى وعملنى ان الفن مهنه صعبه تحتاج للتحمل, والفنان صلاح السعدنى علمنى الهدوء هو شخص هادئ جدا برغم اى شئ ممكن يحدث فى لوكيشن التصوير.
اشارت "نهى" انا لاحب ان اقدم ادوار اغراء او تخدش حياء المشاهد ودور الراقصة لا احب ان اقدمه ببدلة رقص صريحة, اواى دور مش هكون مستريحة او احس انى هخزل الناس هرفضها طبعا, كان عندى حسن حظ وسوء حظ فى البداية حسن الحظ انى عملت مسلسل زاى "الرحايا" و"الباطنية" كان اول حاجة اعملها والمسلسل نجح جدا والدور معلم مع الناس ,وسوء حظ انى بدات التصوير بعد اسبوع من وفاة امى.
اضافت"نهي" الشاشة هذا العام تفتقد الزعيم "عادل امام" فهو علامه مميزة فى الدراما والسينما والمسرح المصري وكل سنة وهو طيب وبخير ,مسلسل "شارع عبدالعزيز" كان اول حاجة كوميديا اعملها وعاجبت الناس وبدات بعدها اعمل ادوار كوميديا,زاى مسلسل "وش تانى"اللى كان نقله كبيره ليا لدرجة ان الناس شبة الدور ده بدور الفنانه "نوره"بشخصية "روقه"وكان اول شخص قالى كدا الفنان "كريم عبدالعزيز" وقتها متوقعتش بس بعد عرض المسلسل رد فعلا الجمهور كان بياكد كلام "كريم".
تابعت"نهي" كان حلمى اشتغل مع المخرج الكبير "مجدى احمد علي" اول ما اتعرض عليا مسلسل"وضع امنى"وفقت من غير, وبعد قراءة الاسكربت اتصدمت جدا الدور كان فيه خروج عن المالوف الدور فيه قتل وشر جدا حسيت انى غيرت جلدى فيها واتبسط بنجاح الدور جدا ورد فعلا الجمهور.
اكدت"نهي"مسلسل"ارض النفاق"كان تجربة رائعة ليا مع النجم محمد هنيدي,واتعلمت منه الالتزام فهو شخص ملتزم,رفضت عمل وندمت عليه جدا كان مسلسل وكانت فيه سفر كتير وكان عندى امتحانات.
