خزنة ليلية: أول Atm من بنك مصر

لو انت ماشى فى وسط البلد ولقيت دى متستغربش وتقعد تفكر ايه دى انا هقولك دى عبارة عن ايه : دى بقى تبقى اول مكنة ATM اتعملت فى مصر وموجودة فى فرع بنك مصر وهى فى الاساس مصنوعة فى لندن ، وهحكيلكم عنها اتعملت ليه وازاى اول مكنة ATM فى مصر كانت البنوك تعمل بالنهار فقط لإيداع الأموال ولكن بعض العملاء كانوا يحتاجون لإيداع أموالهم بالليل ، ولذلك قرر الاقتصادى طلعت حرب مؤسس بنك مصر إنه يعمل فكرة خزينة ليلية ، وبالفعل تم تصنيعها فى لندن وكان أول بنك يستخدمها هو بنك مصر . وتعتبر أول ماكينة ATM ولكن للإيداع فقط وفكرتها عبارة عن خزينة خارجية فى جدران البنك وتفتح بالمفتاح وكل عميل فى البنك يمتلك نسخة من المفتاح واذا رغب العميل فى إيداع بالليل كان عليه ان يضع النقود فى ظرف ويكتب عليه اسمه ورقم الحساب ويفتح الخزينة ويضع الظرف . والظرف يدخل فى اسطوانة متصلة بخزينة داخل جدران البنك ، ويوميًا تقوم لجنة من موظفين البنك بفتح هذه الخزينة وبيتم عمل ايداع بالمبلغ فى حساب العميل اللى اسمه مكتوب على الظرف . وبكده قدروا يتغلبوا على مشكلة الايداع الليلى قبل ظهور ماكينات الصرف الآلي