سر عمره 57 عاما في حياة القصري

من أكثر المواقف المؤلمة التي حدثت فى الأيام الأخيرة للفنان الراحل “عبد الفتاح القصري” بعد ما اتصاب بالعمي وفقدان الذاكرة، وحبسته مراته فى اوضه بعد طلاقها منه وعاشت هى مع جوزها الجديد فى باقى الشقة، انه كان بيقف فى الشباك، يطلب من الناس اللى ماشية فى الشارع ساندوتش وسيجارة، وكانت العيال الصغيرة تقوله “طب قول نورماندي تو الاول”، لكن بما انه فاقد الذاكرة ومش عارف ايه الجملة دى، وليه تحديدا هى اللى بيطلبوها منه، فكان بيقولها عادي لمجرد انه ينفذ شرطهم ويفوز بالساندوتش والسيجارة، لكن طبعا العيال كانت عايزاه يقولها بنفس الطريقة اللى كان بيقولها فى الفيلم، بس المشكلة انه ماكنش فاكر هو كان بيقولها ازاى ولا كان بيقولها فين أصلا

حتي رحل عن عالمنا في ٨ مارس عام ١٩٦٤