أقلام حرّة
رانيا حسن تكتب: خواطر نسائيه
بمناسبة_اليوم_العالمي_للمرأة_كل_سنة_وكل_ست_اميرةوملكة_في_ملكوتها
يمكن أكون مختلفة عن النساء
ومعنديش كمان حنكة ودهاء
يمكن جمالي مش في غاية البهاء
بس كلي حنية و إخلاص و وفاء
*********
يمكن فيا عيوب كتير
المهم بسعي للتغير
ولكن كمان فيا مزايا
ولا أميرة في السرايا
******
حبيت بكون ملكة متوجة
غصب عن العوازل والعدا
حياتي يا ناس و انا حرة فيها
راسمة اساسها وماشية عليها
********
ولو كرهت في يوم و بعت
اعرف انك انت ضعت
و علي قد الحب و الطيبة
هتلاقي شمشون كله هيبة
********
خليكي في الحياة مصارعة تيران
يمين و شمال و ما تدي الأمان
و أعرفي امتي تدي الحنان
و امتي القسوة عليكي تبان
********
هفضل طفلة عايشة بأمومة
بجري وبضحك بس مش مجنونة
ست كاملة في مرحلة الطفولة
و أم عمرها ما جربت الأمومة
أصل البراءة مش بس للطفولة
و لا عمر الحنان هيشترط الأمومة