شيماء سالم تكتب : كلمتين وبس

كلمتين وبس يتقالوا في وقت زعل  بعزة نفس

تكسر قلبك الف حته وحته
وكل حته فيهم بتقولك دي كدبه
بس ياريتك كنت فاهمني قبل  ما تقسي حبيبي وتلومني او تتعصب فجاءه عليا
دي غلطه حبيبي ومش بأديا
كنت فاكرني بقول من قلبي
دانا حقيقي بقول من وجعي
وايه يعني اغلط … متسامح
ولا كلامنا دا كلام مسارح
ولا الحب في نظرك غلطه
فجاءه في ثانيه فجاءه في لحظه
ابقي حبيبي مجرد وحده
طب مانا بردو بعرف اقول
و اجرح وابعد وفارق مهما يكون
بس الحب في نظري حبيبي
مش حكايه ولا كلمه ولا روايه
مقرها فنحاول نجربها
الحب… انك تكتب معايا بدايه
فيه مشوار طويل والف حكايه
كل نهار بيعدي علينا عيد
وكل حلم معاك هيبقي اكيد
وانت اكيد عارف و حاسس بس عنيد
وايه يعني حبيبي دي كانت غلطه
مانا بردو اوقات بسامح
وكتير اقول بنفسي دا اكيد مش طبع جارح
يمكن دي غيره .. او عصبيه  او لحظه خوف وحب بمشاعر مداريه
ايه يعني حبيبي غلطة مانا بردو ابقي حبيبتك وامك وبنتك
ولا دا كان مجرد كلام والأساس هي الألم
طب حبيبي هقولك كلمه او كلمتين او ممكن جمله
انا من غيرك روح محبوسه جوه برواز الحياه
انا من غيرك صعب اكمل واقفه مكاني بتخايل كل اللي جاي من غيرك ازي هيمر
ايوه حبيبي دي كانت غلطه
غلطه كمان مش مقصودة بس ياريتك تفهم قصدي
ان كلامي دا كان مش قصدي
واخيرا ودي مقصودة انت حبيبي وكل حياتي
بيك ومعاك هعيش اجمل اوقاتي
حتي قهوتي في فنجانك مره تعاتب ومره تفور
انا مبقتش اعرف اقول ..
غير أن الحب في قلبي  حقيقي عمره متخلق غير ليك.