المميزةثقافة وقراءة
حكاية طفل اسمه أدهم..
خربشات قلم: سمية غباشي
ادهم
أدهم ده قصة انسانية
فيه زيه حكايات كتير
لكنه هو حاجة تانية
اصل الألم عليه كبير
كانت امه ف حملها
ملهوفة مشتاقة لنظرة
واحدة من عنيه
بعد اما راح ياسين أخوه
كانت يا عينى هتعمل ايه
ولما جه أدهم ملاها بالفرح
وكلام طبيب مؤلم حزين
خلى الفرح ولى وراح
أدهم مصاب بمتلازمة داون
لفت ودارت بيه تدور عالشفا
زى جميع الأمهات… متلهفة
أدهم جميل لوشفته لازم تعشقه
زى النسيم
وف رحلة البحث وطول الهم
طلع أدهم مريض..سرطان الدم
الأب عاجز مش عارف يعمل ايه
والام حست بالمرار والغم
ادعوك ربى ياكاشف الهموم
يرجع يفوق أدهم من بعد نوم
يملأ حياة امه وابوه بالسعادة
ويفرح قلبهم من بعد هم
تضامنا مع أدهم ابن صديقتى الغالية ابنتى الحبيبة الكاتبة سماح أبو العلا وزوجها الشاعر..هانى ادم
أدهم موجود دلوقت فى مستشفى ٥٧٣٥٧ محتاج للتبرع بالدم…اللى يقدر يتبرع كتر خيره والله ميقدرش يدعم امه وابوه بالدعوات….
