حبكيات … ( تِبكيش ) …

شعر: محمود الحبكي

تِبكيش
إنتِ لا تعرفي شكل الجوز واللوز
ولا تسمعي ع الياميش
إنتِ يادوووب
تقسمي كيس الفول نُصين
نُص للفطار
ونًص للسحور
مع حبة قراقيش
واللي بيديكي كارتونه
او شنطة رمضان
بيصوَّر فيكِ
وبتبصمي ع الفيش
ف متبكيش يا حاجه
ومتخافيش
حقِّك عند المولي
أما الدوله
الكل ح يتحاسب
يوم القيامه
لا بينفع مال ولا بنون
ولا سُلطه
وجاه
دا قيامه يااااااا عَم
مش نقطة تفتيش
_______________