صلة الأرحام
يا خسارة على صلة الأرحاملما اتقطعت خيوطها في الزحاماتغير الحال.. وبقى المحالإن النفوس ترجع لبعضها بسلامالكل ملهي في دنيته وفي حالهوالأخ نسي أخوه.. وانشغل بآمالهحتى اللي شالوه في العيون (أمه وأبوه)بقى ذكرى بعيدة.. وسابهم لعيالهبيجمع في ماله.. وعمره بيسربمن حضن عيلته عمال...
يا خسارة على صلة الأرحام
لما اتقطعت خيوطها في الزحام
اتغير الحال.. وبقى المحال
إن النفوس ترجع لبعضها بسلام
الكل ملهي في دنيته وفي حاله
والأخ نسي أخوه.. وانشغل بآماله
حتى اللي شالوه في العيون (أمه وأبوه)
بقى ذكرى بعيدة.. وسابهم لعياله
بيجمع في ماله.. وعمره بيسرب
من حضن عيلته عمال بيتهرب
فين المحبة؟ وفين الوداد؟
ليه الحنين جوه القلوب بيغترب؟
الحنية اتلغت.. والرحمة ماتت
والمودة حبة حبة مننا فاتت
شفنا العجب.. في زمن الغياب
والأصول الطيبة.. في القلوب باتت
القلب تعب.. والنفسية بقت عدم
والندم بياكل فينا.. يا ميت ندم
الدموع نازلة.. زي شلال مية
على عمر ضاع.. وسط الجفا والألم
نفسي نرجع تاني.. زي زمان
تفتح بيوتنا.. أحضانها بالأمان
ترجع اللمة.. وتحلى الضمة
وتحيي فينا.. صلة الأرحام
بقلم
هويدا درويش
